Don't Miss!
- Lifestyle ಮಸಾಲ ಭರಿತ ಬಿಸಿ ಬಿಸಿ ಪೊಂಗಲ್ ಮಾಡೋದು ಹೇಗೆ..? ಏನಿದರ ರೆಸಿಪಿ?
- News Namma Metro Pink Line: ಮೆಟ್ರೋ ಸುರಂಗ ಕಾಮಗಾರಿ ಬಹುತೇಕ ಪೂರ್ಣ: ಯೋಜನೆಯ ಅಪ್ಡೇಟ್
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Sports IPL 2024: ಐಪಿಎಲ್ನಲ್ಲಿ ಉಮೇಶ್ ಯಾದವ್ ಅವರ ವಿಶೇಷ ದಾಖಲೆ ಸರಿಗಟ್ಟಿದ ಜಸ್ಪ್ರೀತ್ ಬುಮ್ರಾ
- Automobiles ರಾಜ್ಯದ ಕೈಜಾರಿ ತಮಿಳುನಾಡು ಸೇರಿದ 9000 ಕೋಟಿಯ ಪ್ರಾಜೆಕ್ಟ್: JLR ಇವಿ ಹಬ್ಗೆ ಸಿದ್ದವಾದ ನೆರೆ-ರಾಜ್ಯ!
- Technology ವಿವೋ V30e ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಬೆಲೆ, ಕ್ಯಾಮೆರಾ, ವಿನ್ಯಾಸ ವಿವರ ಇಲ್ಲಿದೆ..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಕಿರಿಕ್ ಪಾರ್ಟಿ' ಕಾರು ಸೋಲ್ಡ್! ಕಾರು ಗೆದ್ದ ಲಕ್ಕಿ ಬಾಯ್ ಯಾರು?
ರಕ್ಷಿತ್ ಶೆಟ್ಟಿ ಮತ್ತು ರಶ್ಮಿಕಾ ಮಂದಣ್ಣ ಅಭಿನಯದ 'ಕಿರಿಕ್ ಪಾರ್ಟಿ' ಚಿತ್ರ ಸ್ಯಾಂಡಲ್ ವುಡ್ ನಲ್ಲಿ 150 ದಿನಗಳ ಭರ್ಜರಿ ಪ್ರದರ್ಶನ ಕಂಡಿದ್ದು, ಚಿತ್ರತಂಡ ಸಕ್ಸಸ್ ಪಾರ್ಟಿಯನ್ನು ಅದ್ಧೂರಿಯಾಗಿ ಆಚರಿಸಿದೆ.['ಕಿರಿಕ್ ಪಾರ್ಟಿ' ಗ್ಯಾಂಗ್ ನ ಸಕ್ಸಸ್ ಪಾರ್ಟಿ ಸಿಕ್ಕಾಪಟ್ಟೆ ಕಲರ್ ಫುಲ್]
ಅಂದಹಾಗೆ 'ಕಿರಿಕ್ ಪಾರ್ಟಿ' ಚಿತ್ರದಲ್ಲಿ ಬಳಸಿದ ಕಾಂಟೆಸ್ಸಾ ಕಾರು ಚಿತ್ರದಲ್ಲಿ ಅಭಿನಯಿಸಿದ ನಟರಷ್ಟೇ ಗಮನವನ್ನು ಸೆಳೆದಿತ್ತು. ಚಿತ್ರ ಮುಗಿದ ನಂತರ ಈ ಕಾರನ್ನು ಹಾರಾಜು ಹಾಕಿ ಅದರ ಹಣವನ್ನು ಚಿತ್ರತಂಡ ಸಮಾಜ ಸೇವೆಗೆ ಬಳಸುವುದಾಗಿ ಹೇಳಿತ್ತು. ಅದರಂತೆ ಈಗ ಕಾರು ಮಾರಾಟವಾಗಿದ್ದು, ಕಾರಿನ ಹಣವನ್ನು ಚಿತ್ರತಂಡ ಹೇಳಿದಂತೆ ಸಮಾಜ ಸೇವೆಗೆ ಬಳಸಿದೆ.[ರಕ್ಷಿತ್ ಶೆಟ್ಟಿ ಹುಟ್ಟುಹಬ್ಬದಂದು ರಶ್ಮಿಕಾ ಬಾಯಿಂದ ಹೊರಬಂತು 'ದೊಡ್ಡ' ಸತ್ಯ.!]
ಚಿತ್ರದ ಕಲಾವಿದರಷ್ಟೇ ಸಿನಿಪ್ರಿಯರಿಗೆ ಇಷ್ಟವಾಗಿದ್ದ 'ಕಿರಿಕ್ ಪಾರ್ಟಿ'ಯ ಆ ಕಾಂಟೆಸ್ಸಾ ಕಾರನ್ನು ಖರೀದಿಸಿರುವವರು ಯಾರು, ಕಾರಿನ ಮಾರಾಟದ ಹಣವನ್ನು ಯಾರಿಗೆ ಕೊಡಲಾಯಿತು ಎಂಬಿತ್ಯಾದಿ ಮಾಹಿತಿಗಾಗಿ ಮುಂದೆ ಓದಿರಿ..
'ಕಿರಿಕ್ ಪಾರ್ಟಿ' ಕಾರು ಮಾರಾಟವಾಗಿದೆ
'ಕಿರಿಕ್ ಪಾರ್ಟಿ' ಚಿತ್ರತಂಡ ಹಲವು ದಿನಗಳ ಹಿಂದೆ Auto Allot ಎಂಬ ಆನ್ ಲೈನ್ ತಾಣದಲ್ಲಿ ಕಾಂಟೆಸ್ಸಾ ಕಾರನ್ನು ಹಾರಾಜಿಗೆ ಇಟ್ಟಿತ್ತು. ಆ ಕಾರನ್ನು ಈಗ ಸಾಫ್ಟ್ ವೇರ್ ಎಂಜಿನಿಯರ್ ಒಬ್ಬರು ಖರೀದಿಸಿದ್ದಾರೆ.
ಕಾಂಟೆಸ್ಸಾ ಕಾರು ಖರೀದಿಸಿದ ಎಂಜಿನಿಯರ್ ಯಾರು?
ಬೆಂಗಳೂರಿನ ವಿಜಯನಗರದಲ್ಲಿ ವಾಸವಾಗಿರುವ ಬೆಳಗಾವಿ ಮೂಲದ ಸಾಫ್ಟ್ ವೇರ್ ಎಂಜಿನಿಯರ್ ರವಿ ಕೋರೆ ಎಂಬುವವರು ಕಾರನ್ನು ಹರಾಜಿನಲ್ಲಿ ಗೆದ್ದುಕೊಂಡಿದ್ದಾರೆ. ಇವರಿಗೆ ಚಿತ್ರದ ನಟ ರಕ್ಷಿತ್ ಶೆಟ್ಟಿ ತಮ್ಮ ಫೇಸ್ ಬುಕ್ ನಲ್ಲಿ ಅವರ ಫೋಟೋ ಹಾಕಿ ಅಭಿನಂದನೆಗಳನ್ನು ತಿಳಿಸಿದ್ದಾರೆ.
ಮಾತು ಉಳಿಸಿಕೊಂಡ ಕಿರಿಕ್ ಪಾರ್ಟಿ ತಂಡ
'ಕಿರಿಕ್ ಪಾರ್ಟಿ' ಚಿತ್ರತಂಡ ತಾನು ಕೊಟ್ಟ ಮಾತಿನಂತೆ ಕಾರು ಮಾರಾಟದ ಹಣಕ್ಕೆ ತಮ್ಮ ಕೈಯಿಂದಲೂ ಒಂದಷ್ಟು ಹಣಹಾಕಿ 4 ಲಕ್ಷ ರೂಗಳನ್ನು ಬೆಂಗಳೂರಿನ ಜ್ಯೋತಿ ಮಹಿಳಾ ಸಂಘಕ್ಕೆ ನೀಡಿದೆ.
ಚಿತ್ರದ ಮಾದರಿಯಲ್ಲೇ ಸಹಾಯ
ಕಾಂಟೆಸ್ಸಾ ಕಾರನ್ನು ಚಿತ್ರಕ್ಕಾಗಿ ವಿಶೇಷ ರೀತಿಯಲ್ಲಿ ಡಿಸೈನ್ ಮಾಡಿ ಚಿತ್ರೀಕರಣ ಮಾಡಲಾಗಿತ್ತು. ಚಿತ್ರದ ಕೊನೆಯಲ್ಲಿ ನಾಯಕ ರಕ್ಷಿತ್ ಶೆಟ್ಟಿ ಆ ಕಾರನ್ನು ಸೇಲ್ ಮಾಡಿ ಬಂದ ಹಣವನ್ನು ವೇಶ್ಯೆಯೊಬ್ಬಳ ಮಗಳ ಶಿಕ್ಷಣಕ್ಕೆ ನೀಡಿದ್ದ. ಅಂತೆಯೇ ಈಗ ನಿಜವಾಗಿಯೂ ಚಿತ್ರದ ಮಾದರಿಯಲ್ಲೇ ಚಿತ್ರತಂಡ ಕಾರಿನ ಹಣವನ್ನು ವೇಶ್ಯೆಯರ ಮಕ್ಕಳ ಶಿಕ್ಷಣಕ್ಕೆ ನೆರವಾಗುತ್ತಿರುವ ಜ್ಯೋತಿ ಮಹಿಳಾ ಸಂಘಕ್ಕೆ ನೀಡಿದೆ.