'ಕಿರಿಕ್ ಪಾರ್ಟಿ' 150ನೇ ದಿನದ ಸಂಭ್ರಮಕ್ಕೆ ಅದ್ದೂರಿ ಕಾರ್ಯಕ್ರಮ

'ಕಿರಿಕ್ ಪಾರ್ಟಿ' ಸಿನಿಮಾ ಸೂಪರ್ ಸಕ್ಸಸ್ ಕಂಡಿದೆ. ನೂರು ದಿನ ಪೂರೈಸಿರುವ ಈ ಸಿನಿಮಾ ಇಂದಿಗೆ (ಮೇ 27) ಸರಿಯಾಗಿ 150 ದಿನಗಳನ್ನು ಪೂರೈಸಿದೆ. ಇದೇ ಯಶಸ್ಸನ್ನ ಅದ್ದೂರಿಯಾಗಿ ಸಂಭ್ರಮಿಸಲು 'ಕಿರಿಕ್ ಪಾರ್ಟಿ' ಚಿತ್ರತಂಡ ಪ್ಲಾನ್ ಮಾಡಿದೆ.['ಕಿರಿಕ್ ಪಾರ್ಟಿ' ನೋಡಿ ಫುಲ್ ಖುಷ್ ಆದ ಭಾರತ ಕ್ರಿಕೆಟ್ ತಂಡದ ಆಟಗಾರ]

ಇದೇ ಜೂನ್ 3ಕ್ಕೆ ಬಿಡದಿಯ ಇನೋವಿಟಿವ್ ಫಿಲ್ಮ್ ಸಿಟಿಯಲ್ಲಿ 'ಕಿರಿಕ್ ಪಾರ್ಟಿ' ಚಿತ್ರದ 150ನೇ ದಿನದ ಸಂಭ್ರಮಾಚಾರಣೆ ನಡೆಯಲಿದ್ದು, ರಕ್ಷಿತ್ ಶೆಟ್ಟಿ ಅಂಡ್ ಟೀಂ ಎಲ್ಲ ರೀತಿಯ ತಯಾರಿಗಳನ್ನು ಮಾಡಿಕೊಂಡಿದ್ದಾರೆ. ಅದ್ದೂರಿಯಾಗಿ ನಡೆಯಲಿರುವ ಈ ಕಾರ್ಯಕ್ರಮಕ್ಕೆ ಚಿತ್ರರಂಗದ ಅನೇಕ ಗಣ್ಯರು ಕೂಡ ಭಾಗಿಯಾಗಲಿದ್ದಾರಂತೆ.[ವಿಡಿಯೋ: ಸಂಜಿತ್ ಹೆಗ್ಡೆ ಕಂಠಸಿರಿಯಲ್ಲಿ 'ಕಿರಿಕ್ ಪಾರ್ಟಿ' ಹಾಡು.. 'ಅಲೆಲೆಲೆ..']

ಡ್ಯಾನ್ಸ್, ಹಾಡು ಹೀಗೆ ಮನರಂಜನೆ ಕಾರ್ಯಕ್ರಮವಿರಲಿದ್ದು, ಜೊತೆಗೆ 'ಕಿರಿಕ್ ಪಾರ್ಟಿ' ಚಿತ್ರದ ಯಶಸ್ಸಿಗೆ ಕಾರಣವಾದ ಚಿತ್ರತಂಡದ ಸದಸ್ಯರಿಗೆ ನೆನಪಿನ ಕಾಣಿಕೆ ನೀಡಿ ಗೌರವಿಸುವ ಉದ್ದೇಶ ಸಹ ಇದಾಗಿದೆಯಂತೆ.['ಟಾಲಿವುಡ್'ಗೆ ಸೇಲ್ ಆಗೋಯ್ತು 'ಕಿರಿಕ್ ಪಾರ್ಟಿ']

ಅಂದ್ಹಾಗೆ, 'ಕಿರಿಕ್ ಪಾರ್ಟಿ' ಸಿನಿಮಾ ಬೆಂಗಳೂರಿನ ಸ್ವಪ್ನ ಚಿತ್ರಮಂದಿರ ಸೇರಿದಂತೆ ರಾಜ್ಯಾದಂತ್ಯ ಯಶಸ್ವಿಯಾಗಿ 150 ದಿನಗಳನ್ನು ಪೂರೈಸಿದೆ. ರಿಶಬ್ ಶೆಟ್ಟಿ ನಿರ್ದೇಶನ ಈ ಚಿತ್ರದಲ್ಲಿ ರಕ್ಷಿತ್ ಶೆಟ್ಟಿ ನಾಯಕರಾಗಿದ್ದು, ಸಂಯುಕ್ತ ಹೆಗಡೆ ಮತ್ತು ರಶ್ಮಿಕಾ ಮಂದಣ್ಣ ಇಬ್ಬರು ನಾಯಕಿಯರಿದ್ದರು.[ರಕ್ಷಿತ್ ಶೆಟ್ಟಿ ಮಾಡಿದ ಈ ಒಳ್ಳೆ ಕೆಲಸಕ್ಕೆ ಚಪ್ಪಾಳೆ ಹೊಡೆಯಲೇಬೇಕು!]