ಡ್ರಗ್ಸ್ ಪ್ರಕರಣ: ನಟಿಯರ ಖಾಸಗಿ ವಿಡಿಯೋ ಸೋರಿಕೆ ಮಾಡಿದವರ ವಿರುದ್ಧ ಸಿಡಿದೆದ್ದ ನಟಿ ಪಾರುಲ್

ಜನರ ಗಮನ ಬೇರೆಡೆ ಸೆಳೆಯಲು ಮಾಡುತ್ತಿರುವ ಕೆಲಸವಿದು

"ಮಾದಕ ವಸ್ತು ಸೇವನೆ ಗಂಭೀರ ಸಮಸ್ಯೆ ಎನ್ನುವುದು ನನಗೆ ತಿಳಿದಿದೆ. ಇದನ್ನು ನಿರ್ಮೂಲನೆ ಮಾಡಲು ಎಲ್ಲ ರೀತಿಯ ಪ್ರಯತ್ನವೂ ನಡೆಯಬೇಕು. ಡ್ರಗ್ಸ್ ಸೇವನೆಯನ್ನು ನಾನು ಎಂದಿಗೂ ಒಪ್ಪಿಕೊಳ್ಳುವುದಿಲ್ಲ. ಆದರೆ ದೇಶದ ಅತ್ಯುನ್ನತ ತನಿಖಾ ಸಂಸ್ಥೆಗಳು ತಮ್ಮ ಸಾಮರ್ಥ್ಯವನ್ನು ಈ ಮೂವರು ಮಹಿಳೆಯರ ಮೇಲೆ ಕೇಂದ್ರೀಕರಿಸಿವೆ. ಸರ್ಕಾರ ಕೊರೊನಾ ವೈರಸ್‌ ನಿಯಂತ್ರಿಸುವಲ್ಲಿ ವಿಫಲ ಆಗಿದೆ. ಆರ್ಥಿಕತೆ ಕುಸಿದಿದೆ. ಚೀನಾದಿಂದ ಅಪಾಯ ಎದುರಾಗಿದೆ. ಎಲ್ಲರ ಗಮನವನ್ನು ಬೇರೆಡೆಗೆ ಸೆಳೆಯಲು ಸರ್ಕಾರಕ್ಕೆ ಈ ವಿಚಾರ ಬೇಕಾಗಿತ್ತು ಎಂದೆನಿಸುತ್ತದೆ" ಎಂದಿದ್ದಾರೆ ಪಾರುಲ್.

ಈ ಮೂವರನ್ನು ಮಾತ್ರ ಬಂಧಿಸಿದ್ದು ಸರಿಯಲ್ಲ

"ಡ್ರಗ್ಸ್ ಪ್ರಕರಣವನ್ನು ಸೆನ್ಸೇಷನ್ ಮಾಡಿ, ದೊಡ್ಡ ಮಟ್ಟದಲ್ಲಿ ಸುದ್ದಿ ಆಗಬೇಕು ಎಂಬ ಉದ್ದೇಶದಿಂದ ಈ ಮೂವರನ್ನು ಬಂಧಿಸಲಾಗಿದೆ. ಈ ಪಿಡುಗು ಎಲ್ಲ ವಿಭಾಗದಲ್ಲಿಯೂ ಹರಡಿದೆ. ಯಾವುದೋ ಐಟಿ ಇಂಜಿನಿಯರ್ ಗಳನ್ನು ಬಂಧಿಸಿದರೆ ಅಷ್ಟು ಸುದ್ದಿ ಆಗುವುದಿಲ್ಲ. ಈ ಮೂವರನ್ನು ಮಾತ್ರ ಬಂಧಿಸಿರುವುದು ಸರಿಯಲ್ಲ" ಎಂದು ಹೇಳಿದ್ದಾರೆ.

'ಡ್ರಗ್ಸ್ ಪ್ರಕರಣದಲ್ಲಿ ಮೂವರು ನಟಿಯರು ಮಾತ್ರನಾ'? ಪಾರೂಲ್ ಯಾದವ್ ಪ್ರಶ್ನೆ

ಖಾಸಗಿ ವಿಡಿಯೋ ಲೀಕ್ ಮಾಡಿರುವುದು ಅಸಹ್ಯ ಎನಿಸುತ್ತೆ

"ದೊಡ್ಡ ರಾಜಕಾರಣಿಗಳು ಮತ್ತು ನಟರ ಹೆಸರು ಆಗಾಗ ಕೇಳಿ ಬರುತ್ತಿದ್ದರೂ ಅವರನ್ನು ಪೊಲೀಸರು ಯಾಕೆ ಬಂಧಿಸಲ್ಲ. ರಾಗಿಣಿ, ರಿಯಾ ಮತ್ತು ಸಂಜನಾಗೆ ಸಂಬಂಧಿಸಿದ ಕೆಲವು ಖಾಸಗಿ ವಿಡಿಯೋಗಳನ್ನು ಹಾಗೂ ತನಿಖೆಗೆ ಸಂಬಂಧಿಸದ ವಿಡಿಯೋಗಳನ್ನು ಪೊಲೀಸರು ಲೀಕ್ ಮಾಡುತ್ತಿರುವುದು ಅಹಸ್ಯ ಎನಿಸುತ್ತೆ." ಎಂದಿದ್ದಾರೆ.

Recommended Video

ಇದು ಕನ್ನಡದ ಹೆಣ್ಣು ಮಗಳ ಹೃದಯ | Pranitha | Filmibeat Kannada

ಪೊಲೀಸರು ಯಾರಿಗಾಗಿ ಕೆಲಸ ಮಾಡುತ್ತಿದ್ದಾರೆ?

"ಪೊಲೀಸರು ಜನರಿಗಾಗಿ ಕೆಲಸ ಮಾಡುತ್ತಿದ್ದಾರಾ ಅಥವಾ ನ್ಯೂಸ್‌ ಚಾನೆಲ್‌ಗಳಿಗಾಗಿ ಕೆಲಸ ಮಾಡುತ್ತಿದ್ದಾರಾ? ಒಂದು ವಿಡಿಯೋದಲ್ಲಿ ಮಹಿಳಾ ಪೊಲೀಸ್‌ ಒಬ್ಬರು ಮೊಬೈಲ್‌ನಲ್ಲಿ ಸಂಜನಾರನ್ನು ಸೆರೆ ಹಿಡಿಯುತ್ತಿರುವುದು ಗೊತ್ತಾಗುತ್ತಿದೆ. ಪೊಲೀಸರು ನಿಷ್ಪಕ್ಷಪಾತವಾಗಿ ಕೆಲಸ ಮಾಡುವ ಸಂಸ್ಥೆ ಆಗಿರಬೇಕು. ಯೆಲ್ಲೋ ಜರ್ನಲಿಸಂ ಮಾಡುವವರಿಗೆ ಮಾಹಿತಿದಾರರಾಗಿ ಪೊಲೀಸರು ಕೆಲಸ ಮಾಡಬಾರದು. ಒಬ್ಬರ ಘನತೆಯನ್ನು ಹಾಳುಮಾಡುವ ಹಕ್ಕು ಯಾರಿಗೂ ಇಲ್ಲ. ಇದು ನಾಚಿಕೆಗೇಡು. ಜೈ ಹಿಂದ್‌" ಎಂದು ಪಾರುಲ್ ದೀರ್ಘವಾಗಿ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ.