ಟಾಲಿವುಡ್, ಕಾಲಿವುಡ್ ನಲ್ಲಿ ಆಕ್ಷನ್ ಕಟ್ ಹೇಳಲಿದ್ದಾರೆ ಪವನ್ ಕುಮಾರ್

ಸಮಂತಾ ಕನಸು ನನಸಾಯಿತು

ನಿರ್ದೇಶಕ ಪವನ್ ಕುಮಾರ್ ಅವರ 'ಯು-ಟರ್ನ್' ಸಿನಿಮಾ ನೋಡಿ ನಟಿ ಸಮಂತಾ ಸಖತ್ ಫಿದಾ ಆಗಿದ್ರು. ಹಾಗೆ 'ಯು-ಟರ್ನ್' ರಿಮೇಕ್ ಚಿತ್ರದಲ್ಲಿ ನಟಿಸಬೇಕೆಂಬ ಆಸೆಯನ್ನು ಸಹ ಇಟ್ಟುಕೊಂಡಿದ್ದರು ಎಂಬ ಮಾಹಿತಿಯನ್ನು ನಿಮ್ಮ ಫಿಲ್ಮಿ ಬೀಟ್ ನಲ್ಲಿ ಈ ಹಿಂದೆ ಹೇಳಿದ್ವಿ. ಸಮಂತಾ ರುತ್ ಪ್ರಭು ಅವರ ಕನಸು ಈಗ ನನಸಾಗಲಿದೆ.

ಸಮಂತಾಗೆ, ಪವನ್ ಕುಮಾರ್ ಆಕ್ಷನ್ ಕಟ್

ಮೂಲಗಳ ಪ್ರಕಾರ 'ಯು-ಟರ್ನ್' ಸಿನಿಮಾ ವನ್ನು ತಮಿಳು ಮತ್ತು ತೆಲುಗು ಭಾಷೆಗಳಲ್ಲಿ ರಿಮೇಕ್ ಮಾಡಲು ಪವನ್ ಕುಮಾರ್ ಅವರಿಗೆ ನಿರ್ಮಾಪಕರು ಸಿಕ್ಕಿದ್ದಾರಂತೆ. ಆದ್ದರಿಂದ 'ಯು-ಟರ್ನ್' ರಿಮೇಕ್ ಚಿತ್ರದಲ್ಲಿ ನಟಿಸಲು ಆಸಕ್ತಿ ತೋರಿಸಿದ್ದ ಸಮಂತಾ ಅವರಿಗೆ ಪವನ್ ಕುಮಾರ್ ಸದ್ಯದಲ್ಲೇ ಆಕ್ಷನ್ ಕಟ್ ಹೇಳಲಿದ್ದಾರಂತೆ.[ನಾಗ್ ಚೈತನ್ಯ ಮದುವೆ ಆಗಲು ಮತಾಂತರಗೊಂಡರೇ ನಟಿ ಸಮಂತಾ?]

ಟಾಲಿವುಡ್ ಮತ್ತು ಕಾಲಿವುಡ್ ಗೆ ಪವನ್ ಕುಮಾರ್ ಎಂಟ್ರಿ

'ಯು-ಟರ್ನ್' ರಿಮೇಕ್ ಮಾಡಲು ಸಿದ್ಧರಿರುವ ನಿರ್ಮಾಪಕರು ಅಧಿಕೃತ ಘೋಷಣೆ ಮಾಡಿದ್ದಲ್ಲಿ, ಪವನ್ ಕುಮಾರ್ ಈ ಚಿತ್ರದ ರಿಮೇಕ್ ಮೂಲಕ ಟಾಲಿವುಡ್ ಮತ್ತು ಕಾಲಿವುಡ್ ಅಂಗಳದಲ್ಲಿ ನಿರ್ದೇಶನ ಮಾಡಲು ಪಾದಾರ್ಪಣೆ ಮಾಡಲಿದ್ದಾರೆ.

ಏಪ್ರಿಲ್ ನಲ್ಲಿ ಚಿತ್ರೀಕರಣ

ಸಮಂತಾ ಅಭಿನಯದ 'ಯು-ಟರ್ನ್' ರಿಮೇಕ್ ಚಿತ್ರೀಕರಣ ಏಪ್ರಿಲ್ ನಲ್ಲಿ ಆರಂಭವಾಗುವ ಸಾಧ್ಯತೆ ಇದೆಯಂತೆ, ಪ್ರಸ್ತುತದಲ್ಲಿ ಉಳಿದ ತಾರಾಗಣದ ಬಗ್ಗೆ ಹುಡುಕಾಟ ನಡೆಯುತ್ತಿದೆಯಂತೆ.

ಶ್ರದ್ಧಾ ಶ್ರೀನಾಥ್ ಬೆಳ್ಳಿ ತೆರೆಗೆ ಪರಿಚಯಿಸಿದ ಸಿನಿಮಾ

'ಯು-ಟರ್ನ್' ಸ್ಯಾಂಡಲ್ ವುಡ್ ನಲ್ಲಿ ಶತ ದಿನ ಪ್ರದರ್ಶನ ಪೂರೈಸಿ ಶ್ರದ್ಧಾ ಶ್ರೀನಾಥ್ ಅವರಿಗೆ ಬೆಳ್ಳಿ ತೆರೆಯಲ್ಲಿ ಹೆಸರು ತಂದುಕೊಟ್ಟ ಸಿನಿಮಾ.[ಬಿಡುಗಡೆಗೂ ಮುನ್ನ ಸದ್ದು ಮಾಡುತ್ತಿದೆ ಪವನ್ ರ 'ಯು-ಟರ್ನ್']