ಟ್ರೈಲರ್ ನೋಡಿ: 'ಮರಿ ಹುಲಿ' ವಿನೋದ್ ಪ್ರಭಾಕರ್ ಈಗ 'ಕ್ರ್ಯಾಕ್'

ಹುಲಿ ಘರ್ಜಿಸುತ್ತಿದೆ...
ಈ ಹುಲಿ ಯಾವಾಗ ಯಾರ ಮೇಲೆ ಎಲ್ಲಿ ಎರಗುತ್ತದೆ... ಯಾವ ಪಾತಕಿಗಳ ಎದೆ ಬಗೆದು ರಕ್ತ ಹೀರುತ್ತೋ ಗೊತ್ತಿಲ್ಲ.!
ಈ ಹುಲಿ ಒಂಥರಾ 'ಕ್ರ್ಯಾಕ್'... ಇದರದ್ದೇ ಸೆಪರೇಟ್ ಟ್ರ್ಯಾಕ್.!

'ಮರಿ ಟೈಗರ್' ಆಗಿದ್ದ ಈ ಹುಲಿ ಈಗ ಬೆಳೆದು ರಿಯಲ್ ಟೈಗರ್ ಆಗಿದೆ. ವಿನೋದ್ ಪ್ರಭಾಕರ್ ಈಗ ಪರಿಪೂರ್ಣ ಹುಲಿಯಾಗಿ ಅಭಿಮಾನಿಗಳ ಹೃದಯದಲ್ಲಿ ನೆಲೆಯೂರಲಿದ್ದಾರೆ.[ತಂದೆಯ ಸಾವಿನ ಕಾರಣ ಬಿಚ್ಚಿಟ್ಟ ವಿನೋದ್ ಪ್ರಭಾಕರ್]

ವಿನೋದ್ ಪ್ರಭಾಕರ್ ಅಭಿನಯದ 'ಕ್ರ್ಯಾಕ್' ಚಿತ್ರದ ಚಿತ್ರೀಕರಣ ಮುಗಿದಿದ್ದು ಇಂದು ಟ್ರೈಲರ್ ಬಿಡುಗಡೆ ಆಗಿದೆ. ಖಾಕಿ ತೊಟ್ಟು ಪೊಲೀಸ್ ಆಫೀಸರ್ ಪಾತ್ರದಲ್ಲಿ ವಿನೋದ್ ಪ್ರಭಾಕರ್ ಮಿಂಚಿದ್ದಾರೆ.[ನಟ ಟೈಗರ್ ಪ್ರಭಾಕರ್ 'ಕ್ರಿಶ್ಚಿಯನ್' ಆಗಿದ್ದೇ ತಪ್ಪಾಯ್ತಾ.?]

'ಕ್ರ್ಯಾಕ್' ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿರುವುದು ರಾಮ್ ನಾರಾಯಣ್. ಈಗಾಗಲೇ 'ಸ್ನೇಹಿತರು' ಮತ್ತು 'ಟೈಸನ್' ಚಿತ್ರ ನೀಡಿದ್ದ ರಾಮ್ ನಾರಾಯಣ್ ಈಗ 'ಕ್ರ್ಯಾಕ್' ಚಿತ್ರವನ್ನ ನಿರ್ದೇಶನ ಮಾಡಿದ್ದಾರೆ. ಈ ಹಿಂದೆ ವಿನೋದ್ ಹಾಗೂ ರಾಮ್ ನಾರಾಯಣ್ ಕಾಂಬಿನೇಷನ್ ನಲ್ಲಿ 'ಟೈಸನ್' ತೆರೆಕಂಡು ಯಶಸ್ಸು ಗಳಿಸಿತ್ತು. ಈಗ ಮತ್ತೆ ಈ ಜೋಡಿ 'ಕ್ರ್ಯಾಕ್' ಮೂಲಕ ನಿಮ್ಮ ಮುಂದೆ ಬರುತ್ತಿದೆ.[ಸಿನಿಮಾ 'ಟೈಟಲ್' ಗಾಗಿ ಮರಿ 'ಟೈಗರ್' ಕಿತ್ತಾಟ]

ನಾಯಕಿಯಾಗಿ ಆಕಾಂಕ್ಷ ಬಣ್ಣ ಹಚ್ಚಿದ್ದಾರೆ. ಗಾಯಕಿ ಶಮಿತಾ ಮಲ್ನಾಡ್ ಸಂಗೀತ ನಿರ್ದೇಶಕಿಯಾಗಿ 'ಕ್ರ್ಯಾಕ್' ಚಿತ್ರಕ್ಕೆ ಒಳ್ಳೆಯ ಹಾಡುಗಳನ್ನು ನೀಡಿದ್ದಾರೆ. ನಿರ್ಮಾಪಕರಾಗಿ ವಿತರಕ ವಿಜಯ್, ಮಂಜುನಾಥ್ ಹಾಗೂ ಶಂಕರ್ ಇಳಕಲ್ ಬಂಡವಾಳ ಹೂಡಿದ್ದಾರೆ.

'ಕ್ರ್ಯಾಕ್' ಚಿತ್ರದ ಟ್ರೈಲರ್ ಇಲ್ಲಿದೆ ನೋಡಿ...