'ಪೃಥ್ವಿರಾಜ್‌'ಗೆ ಟಕ್ಕರ್ ಕೊಟ್ಟ ಕಮಲ್ ಹಾಸನ್ 'ವಿಕ್ರಂ': 2 ದಿನದ ಕಲೆಕ್ಷನ್ ಎಷ್ಟು?

'ವಿಕ್ರಂ' 2 ದಿನಗಳ ಗಳಿಕೆ 100 ಕೋಟಿ ರೂ.

ದಕ್ಷಿಣ ಭಾರತದ ಮತ್ತೊಂದು ಸಿನಿಮಾ ಗೆಲುವಿನ ಕೇಕೆ ಹಾಕಿದೆ. 100 ಕೋಟಿ ರೂ. ಗಳಿಸುವ ಮೂಲಕ ಎರಡೇ ದಿನದಲ್ಲಿ ಬಾಕ್ಸಾಫೀಸ್‌ನಲ್ಲಿ ಧೂಳೆಬ್ಬಿಸಿದೆ. ಮೊದಲ ದಿನ 'ವಿಕ್ರಂ' ಸಿನಿಮಾ ಸುಮಾರು 58 ಕೋಟಿ ರೂಪಾಯಿ ಕಲೆ ಹಾಕಿತ್ತು. ಅದೇ ರೀತಿ ಎರಡನೇ ದಿನವೂ ಕೂಡ ಸುಮಾರು 39 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ ಎನ್ನಲಾಗಿದೆ. ಈ ಮೂಲಕ, 97 ಕೋಟಿ ಕಲೆಕ್ಷನ್ ಆಗಿದೆ ಎಂದು ಒಂದು ಲೆಕ್ಕ ಕೊಡುತ್ತಿದೆ. ಇನ್ನೊಂದು ಕಡೆ ಟ್ರೇಡ್ ಅನಲಿಸ್ಟ್ ರಮೇಶ್ ಬಾಲ 'ವಿಕ್ರಂ' 100 ಕೋಟಿ ಕ್ಲಬ್‌ಗೆ ಎಂಟ್ರಿ ಕೊಟ್ಟಿದೆ ಎಂದು ಟ್ವೀಟ್ ಮಾಡಿದ್ದಾರೆ.

2 ದಿನಗಳಲ್ಲಿ ಭಾರತದಲ್ಲಿ ಗಳಿಸಿದ್ದೆಷ್ಟು?

ಕಮಲ್ ಹಾಸನ್, ವಿಜಯ್ ಸೇತುಪತಿ, ಫಹಾದ್ ಫಾಸಿಲ್ ಅಭಿನಯದ 'ವಿಕ್ರಂ' ವಿಶ್ವದಾದ್ಯಂತ ಸೂಪರ್ ರೆಸ್ಪಾನ್ಸ್ ಸಿಕ್ಕಿದೆ. ಹಾಗೇ ಭಾರತದಲ್ಲೂ ಎರಡು ದಿನಗಳ ಕಲೆಕ್ಷನ್ ಅದ್ಭುತವಾಗಿದೆ. ಮೊದಲ ದಿನ ಹಾಗೂ ಎರಡನೇ ದಿನದ ಕಲೆಕ್ಷನ್ ಹೀಗಿದೆ.

ಶುಕ್ರವಾರ ₹ 34 ಕೋಟಿ
ಶನಿವಾರ ₹ 31.50 ಕೋಟಿ

ಒಟ್ಟು ₹65.50 ಕೋಟಿ

'ವಿಕ್ರಂ' ಎಲ್ಲೆಲ್ಲಿ ಎಷ್ಟೆಷ್ಟು?

'ವಿಕ್ರಂ' ಸಿನಿಮಾ ದಕ್ಷಿಣ ಭಾರತದ ಎಲ್ಲಾ ರಾಜ್ಯಗಳಲ್ಲಿಯೂ ಉತ್ತಮ ಕಲೆಕ್ಷನ್ ಚೆನ್ನಾಗಿದೆ. ಮೂರನೇ ದಿನವೂ ಕಲೆಕ್ಷನ್ ಅದ್ಭುತವಾಗಿರುತ್ತೆ ಎಂದು ಅಂದಾಜಿಸಲಾಗಿದೆ. ವಿಕ್ರಂ ಯಾವ್ಯಾವ ರಾಜ್ಯದಲ್ಲಿ ಎಷ್ಟೆಷ್ಟು ಕಲೆಕ್ಷನ್ ಮಾಡಿದೆ ಅನ್ನೋದರ ಡಿಟೈಲ್ಸ್ ಇಲ್ಲಿದೆ.

ತಮಿಳು ನಾಡು ₹ 41 ಕೋಟಿ
ಆಂಧ್ರ/ತೆಲಂಗಾಣ ₹ 6.25 ಕೋಟಿ
ಕರ್ನಾಟಕ ₹ 6.75 ಕೋಟಿ
ಕೇರಳ ₹ 9.75 ಕೋಟಿ
ಭಾರತ ಇತರೆ ರಾಜ್ಯಗಳು ₹ 1.75 ಕೋಟಿ

ಒಟ್ಟು ₹ 65.50 ಕೋಟಿ

ಪೃಥ್ವಿರಾಜ್ ಕಲೆಕ್ಷನ್ ಡಲ್

'ವಿಕ್ರಂ' ಸಿನಿಮಾದ ಕಲೆಕ್ಷನ್ ನೋಡಿದರೆ, ಪೃಥ್ವಿರಾಜ್ ಸಿನಿಮಾದ ಗಳಿಕೆ ಏನಿಲ್ಲ. ಅಕ್ಷಯ್ ಕುಮಾರ್ ಅಭಿನಯದ 'ಸಾಮ್ರಾಟ್ ಪೃಥ್ವಿರಾಜ್' ಮೊದಲ ದಿನ ₹10.70 ಕೋಟಿ ಗಳಿಸಿತ್ತು. ಎರಡನೇ ದಿನ ಕಲೆಕ್ಷನ್‌ನಲ್ಲಿ ಏರಿಕೆ ಕಂಡಿದ್ದು, ₹12.75 ಕೋಟಿ ಗಳಿಸಿದೆ. ಒಟ್ಟು ಎರಡು ದಿನಗಳಲ್ಲಿ ₹23.45 ಕೋಟಿ ಲೂಟಿ ಮಾಡಿದೆ. 'ವಿಕ್ರಂ' ಸಿನಿಮಾ ಅರ್ಧದಷ್ಟು ಗಳಿಸುವಲ್ಲಿ ಅಕ್ಷಯ್ ಕುಮಾರ್ ಸಿನಿಮಾ ಹಿಂದೆ ಬಿದ್ದದೆ.