ಹುಕ್ಕಾ ಬಾರ್‌ನಲ್ಲಿ ಜನಪ್ರಿಯ ಕಿರುತೆರೆ ನಟಿ ಅರೆಸ್ಟ್

ಜನಪ್ರಿಯ ಟಿವಿ ಸೀರಿಯಲ್ ಒಂದರ ತಾರೆಯಾಗಿರುವ ಜಿಯಾ ಮಾನೇಕ್ ಅಲಿಯಾಸ್ ಗೋಪಿ ಬಹು ಎಂಬ ನಟಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಮುಂಬೈನ ಹುಕ್ಕಾ ಬಾರ್‌ನಲ್ಲಿ ಒಟ್ಟು 21 ಮಂದಿ ಸಿಕ್ಕಿಬಿದ್ದಿದ್ದು ಅವರಲ್ಲಿ ಈಕೆಯೂ ಒಬ್ಬಳಾಗಿದ್ದಾಳೆ.

ಬಂಧನಕ್ಕೊಳಗಾದಾಗ ಈಕೆ ತನ್ನ ಮುಖ ಮುಚ್ಚಿಕೊಂಡು ಕ್ಯಾಮೆರಾಗೆ ತೋರಿಸಿರಲಿಲ್ಲ. ಪೊಲೀಸರಿಗೆ ತನ್ನ ವಿವರಗಳನ್ನು ನೀಡಲು ನಿರಾಕರಿಸಿದ್ದಳು. ತನ್ನ ಚಿತ್ರವನ್ನು ತೆಗೆಯಲು ಹೋದ ಛಾಯಾಗ್ರಾಹಕರನ್ನು ತಳ್ಳಿದ್ದಳು. ಬಳಿಕ ಪೊಲೀಸರು ವಿಚಾರಣೆಯಲ್ಲಿ ಈಕೆಯ ವಿವರಗಳು ಬಹಿರಂಗವಾಗಿವೆ. ಈಕೆ ಹಿಂದಿಯ 'ಸಾಥ್ ನಿಭಾನ್ ಸಾಥಿಯಾ' ಧಾರಾವಾಹಿಯ ತಾರೆ ಎಂದು ಗೊತ್ತಾಗಿದೆ.

ಈಕೆಯೊಂದಿಗೆ ಆರೋಗ್ಯ ಸಚಿವರ ಪುತ್ರನೂ ಹುಕ್ಕಾ ಬಾರ್‌ನಲ್ಲಿ ಸಿಕ್ಕಿಬಿದ್ದಿದ್ದಾನೆ. ಮಾರ್ಚ್ 29ರಂದು ಬಾಲಿವುಡ್ ನಟ ವಿವೇಕ್ ಒಬೆರಾಯ್ ಕೂಡ ಹುಕ್ಕಾ ಬಾರ್‌ ಒಂದರಲ್ಲಿ ಪೊಲೀಸರ ಕೈಗೆ ಸಿಕ್ಕಿಬಿದ್ದ. ಗೋಪಿ ಬಹು ತನ್ನ ಪಾತ್ರದ ಮೂಲಕ ವೀಕ್ಷಕರ ಹೃದಯ ಗೆದ್ದಿದ್ದರು. ಆದರೆ ಈಗ ಆಕೆ ಹುಕ್ಕಾ ಬಾರ್‌ನಲ್ಲಿ ಸಿಕ್ಕಿಬಿದ್ದಿರುವುದು ಆಕೆಯ ವೃತ್ತಿಜೀವನದಲ್ಲಿ ಕಪ್ಪು ಚುಕ್ಕೆಯಾಗಿದೆ. (ಏಜೆನ್ಸೀಸ್)