Don't Miss!
- News Karnataka LS Election 2024 LIVE: ಇಂದು ದೇಶದಲ್ಲಿ ಎರಡನೇ ಹಂತದ, ರಾಜ್ಯದಲ್ಲಿ ಮೊದಲ ಹಂತದ ಮತದಾನ
- Sports IPL 2024 :ಬಲಿಷ್ಠ ಹೈದರಾಬಾದ್ ಬಗ್ಗು ಬಡಿದ ಆರ್ಸಿಬಿ: ಕಮಿನ್ಸ್ ಪಡೆಗೆ ಹೀನಾಯ ಸೋಲು
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮತ್ತೆ ತಮ್ಮದೇ ಹಳೆಯ ಸಿನಿಮಾ ರೀಮೇಕ್ ಮಾಡಲಿದ್ದಾರೆ ನಿರ್ದೇಶಕ ಧವನ್
ಹೊಸ ಹೀರೋಗಳನ್ನು ಹಾಕಿಕೊಂಡು ಹಳೆಯ ಹಿಟ್ ಸಿನಿಮಾಗಳನ್ನು ರೀಮೇಕ್ ಮಾಡುವ ಟ್ರೆಂಡ್ ಬಾಲಿವುಡ್ನಲ್ಲಿ ಹೆಚ್ಚಾಗುತ್ತಿದೆ.
ಅಮಿತಾಬ್ ಬಚ್ಚನ್ ನಟನೆಯ ಡಾನ್, ಅಗ್ನಿಪತ್, ಜಂಜೀರ್ ಇನ್ನೂ ಕೆಲವು ಸಿನಿಮಾಗಳನ್ನು ಹೊಸ ಹೀರೋಗಳನ್ನು ಹಾಕಿಕೊಂಡು ಹೊಸರೀತಿಯಲ್ಲಿ ತೆರೆಗೆ ತರಲಾಯಿತು. ಕೆಲವು ಹಿಟ್ ಸಹ ಆಗಿವೆ. ಕೆಲವು ಫ್ಲಾಫ್ ಆದರೆ ಕೆಲವು ಅಟ್ಟರ್ ಫ್ಲಾಫ್ ಆಗಿವೆ.
ನಿರ್ದೇಶಕ ಡೇವಿಡ್ ಧವನ್ ಸಹ 90 ರ ದಶಕದಲ್ಲಿ ತಾವೇ ನಿರ್ದೇಶಿಸಿದ್ದ ಸಿನಿಮಾವನ್ನು ಮತ್ತೆ ಅದೇ ಹೆಸರಿನಲ್ಲಿ ಹೊಸದಾಗಿ ರೀಮೇಕ್ ಮಾಡಿದ್ದಾರೆ. 1995 ರಲ್ಲಿ ಗೋವಿಂದ ನಟಿಸಿದ್ದ ಕೂಲಿ ನಂ1 ಸಿನಿಮಾವನ್ನು ಈಗ ಹೊಸದಾಗಿ ತಮ್ಮ ಪುತ್ರ ವರುಣ್ ಧವನ್ ಅನ್ನು ನಾಯಕನನ್ನಾಗಿಸಿಕೊಂಡು ಮತ್ತೆ ತೆರೆಗೆ ತಂದಿದ್ದಾರೆ. ಆದರೆ ಸಿನಿಮಾ ಫ್ಲಾಫ್ ಎನಿಸಿಕೊಂಡಿದೆ.
ಆದರೆ ಈಗ ಮತ್ತೆ ಹೊಸ ಪ್ರಯತ್ನಕ್ಕೆ ಕೈ ಹಾಕಿರುವ ಡೇವಿಡ್ ಧವನ್, ತಾವೇ ನಿರ್ದೇಶಿಸಿದ್ದ 'ಬೀವಿ ನಂ 1' ಸಿನಿಮಾವನ್ನು ಮತ್ತೆ ತೆರೆಗೆ ತರುವ ಸಾಹಸ ಮಾಡುತ್ತಿದ್ದಾರೆ. ಸಲ್ಮಾನ್ -ಕರೀಶ್ಮಾ ನಟನೆಯ ಬೀವಿ ನಂ 1 ಸಿನಿಮಾ 1999 ರಲ್ಲಿ ಬಿಡುಗಡೆ ಆಗಿತ್ತು ಸಿನಿಮಾದಲ್ಲಿ ಅನಿಲ್ ಕಪೂರ್ ಸಹ ನಟಿಸಿದ್ದರು.
'ಬೀವಿ ನಂ 1' ಸಿನಿಮಾದಲ್ಲಿ ಸಹ ತಮ್ಮ ಪುತ್ರ ವರುಣ್ ಧವನ್ ಅವರನ್ನೇ ನಾಯಕನನ್ನಾಗಿ ಹಾಕಿಕೊಳ್ಳಲಿದ್ದಾರೆ ಡೇವಿಡ್ ಧವನ್. ನಾಯಕಿಯನ್ನಾಗಿ ಯಾರನ್ನು ಆರಿಸಿಕೊಳ್ಳಲಿದ್ದಾರೆ ಎಂಬುದು ಕುತೂಹಲ.