ಸಂಯುಕ್ತ ಹೆಗ್ಡೆ

ಜೀವನ ಚರಿತ್ರೆ :  ಸಂಯುಕ್ತ ಹೆಗ್ಡೆ ಕನ್ನಡ ಹಾಗೂ ತಮಿಳು ಚಿತ್ರರಂಗದಲ್ಲಿ ಸಕ್ರಿಯವಾಗಿರುವ ಜನಪ್ರಿಯ ನಟಿ. 1998 ಜುಲೈ 17ರಂದು ಬೆಂಗಳೂರಿನಲ್ಲಿ ಜನಿಸಿದರು. ಇವರ ಮೂಲ ಸ್ಥಳ ಉತ್ತರಕನ್ನಡ ಜಿಲ್ಲೆಯ ಕೆಳಗಿನಮನೆ. ಅಭಿನಯ ಮತ್ತು ನೃತದಲ್ಲಿನ ಆಸಕ್ತಿಯಿಂದಾಗಿ ಪದವಿ ಶಿಕಣವನ್ನು ಅರ್ಧಕ್ಕೆ ಬಿಟ್ಟ ಸಂಯುಕ್ತ, 17ನೇ ವಯಸ್ಸಿನಲ್ಲಿಯೇ ಬಣ್ಣದ ಲೋಕಕ್ಕೆ ಕಾಲಿಟ್ಟರು. ಸಿನಿಮಾರಂಗ ಸಂಯುಕ್ತ ಹೆಗ್ಡೆ 2016ರಲ್ಲಿ ತೆರೆಕಂಡ ಬ್ಲಾಕ್‌ಬಸ್ಟರ್ ಕಿರಿಕ್ ಪಾರ್ಟಿ ಸಿನಿಮಾ ಮೂಲಕ ಕನ್ನಡ ಚಿತ್ರರಂಗಕ್ಕೆ ಪಾದರ್ಪಣೆ ಮಾಡಿದರು. ಮುಂದೆ ಈ ಚಿತ್ರದ ತೆಲುಗು ರೀಮೆಕ್‌ನಲ್ಲಿಯೂ ನಟಿಸಿದರು. ಆನಂತರ ಕಾಲೇಜ್‌ ಕುಮಾರ್ ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸಿದ ಈ ನಟಿ, ಮುಂದೆ ಕಾಲಿವುಡ್‌ಗೆ ಎಂಟ್ರಿಕೊಟ್ಟರು. ತಮಿಳಿನಲ್ಲಿ ವಾಚ್‌ಮಾನ್, ಕೋಮಲಿ, ಪಪ್ಪಿ ಮುಂತಾದ ಸಿನಿಮಾಗಳಲ್ಲಿ ನಟಿಸಿದ್ದಾರೆ.  ರಿಯಾಲಿಟಿ ಶೋ: MTVಯ ರೋಡಿಸ್ ಕಾರ್ಯಕ್ರಮದ 15ನೇ ಸಂಚಿಕೆಯಲ್ಲಿ ಭಾಗವಹಿಸಿದ್ದ ಸಂಯುಕ್ತ, ಕನ್ನಡ ಬಿಗ್ ಬಾಸ್ 5ನೇ ಸಂಚಿಕೆಯಲ್ಲಿ ಅತಿಥಿಯಾಗಿ ಭಾಗವಹಿಸಿದ್ದರು.