ಶೂಟಿಂಗ್ ಗೆ 'ವಿಲನ್' ಎಂಟ್ರಿ: ಇಷ್ಟವಿಲ್ಲದಿದ್ರೂ ಸೆಲ್ಫಿ ಪೋಸ್ಟ್ ಮಾಡಿದ ಸುದೀಪ್

'ವಿಲನ್' ಟೀಮ್ ಸೇರಿಕೊಂಡ ಸುದೀಪ್

'ಕಾರ್ಪೋರೇಟರ್ ಕ್ರಿಕೆಟ್ ಡೇ ಟೂರ್ನಿ'ಗಾಗಿ ಲಂಡನ್ ಗೆ ಹೋಗಿದ್ದ ಕಿಚ್ಚ ಸುದೀಪ್, ಈಗ 'ವಿಲನ್' ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದಾರೆ. ಲಂಡನ್ ನಿಂದ ಭಾರತಕ್ಕೆ ಮರಳಿದ ನಂತರ ನೇರವಾಗಿ 'ವಿಲನ್' ತಂಡ ಸೇರಿಕೊಂಡಿದ್ದಾರೆ.

10 ದಿನಗಳ ಕಾಲ ಶೂಟಿಂಗ್

ಸದ್ಯ, ಉತ್ತರ ಕರ್ನಾಟಕದಲ್ಲಿ 'ದಿ ವಿಲನ್' ಶೂಟಿಂಗ್ ನಡೆಯುತ್ತಿದೆ. ಬೆಳಗಾವಿ, ಬಿಜಾಪುರ ಹಾಗೂ ಮಹಾರಾಷ್ಟ್ರದ ಬಾರ್ಡರ್ ನಲ್ಲಿ ಚಿತ್ರೀಕರಣ ಮಾಡಲಾಗುತ್ತಿದೆ. ಈಗ ಕಿಚ್ಚ ಕೂಡ ಶೂಟಿಂಗ್ ಗೆ ಎಂಟ್ರಿ ಕೊಟ್ಟಿದ್ದು 10 ದಿನಗಳ ಕಾಲ ಸುದೀಪ್ ಅವರ ಶೂಟಿಂಗ್ ನಡೆಯಲಿದೆಯಂತೆ.['ದಿ ವಿಲನ್' ಹೀರೋಯಿನ್ ಬಗ್ಗೆ ಬ್ರೇಕ್ ಆಗಿರುವ ಬ್ಲಾಸ್ಟಿಂಗ್ ನ್ಯೂಸ್ ಇದು.!]

ಶೂಟಿಂಗ್ ಸೆಟ್ ನಿಂದ ಮೊದಲ ಸೆಲ್ಫಿ

'ದಿ ವಿಲನ್' ಶೂಟಿಂಗ್ ನಲ್ಲಿ ಸುದೀಪ್ ಭಾಗವಹಿಸಿದ್ದಾರೆ ಎನ್ನುವುದಕ್ಕೆ ಸಾಕ್ಷಿ ಈ ಸೆಲ್ಫಿ. ಉತ್ತರ ಕರ್ನಾಟದಲ್ಲಿ ನಡೆಯುತ್ತಿರುವ ಶೂಟಿಂಗ್ ಸ್ಥಳದಲ್ಲಿ ಸುದೀಪ್ ತೆಗೆದುಕೊಂಡಿರುವ ಸೆಲ್ಫಿ ಇದು.

ಮಿಥುನ್ ಚಕ್ರವರ್ತಿ ಜೊತೆ ಅಭಿನಯ

ಈಗಾಗಲೇ ಬಾಲಿವುಡ್ ನಟ ಮಿಥುನ್ ಚಕ್ರವರ್ತಿ 'ದಿ ವಿಲನ್' ಶೂಟಿಂಗ್ ನಲ್ಲಿ ಕಾಣಿಸಿಕೊಂಡಿದ್ದಾರೆ. ಈಗ ಸುದೀಪ್ ಎಂಟ್ರಿ ಕೊಟ್ಟಿದ್ದು, ಇಬ್ಬರ ನಡುವಿನ ದೃಶ್ಯಗಳನ್ನ ಚಿತ್ರೀಕರಣ ಮಾಡಲಿದ್ದಾರಂತೆ. ಈ ಮೂಲಕ ಮೊದಲ ಬಾರಿಗೆ ಮಿಥುನ್ ಚಕ್ರವರ್ತಿ ಜೊತೆ ಸುದೀಪ್ ತೆರೆ ಹಂಚಿಕೊಳ್ಳಲಿದ್ದಾರೆ.[ಅಂದು 'ಅಪ್ಪು'ಗೆ ಸುದೀಪ್ ಸರ್ಪ್ರೈಸ್, ಇಂದು ಕಿಚ್ಚನಿಗೆ ಪುನೀತ್ ಸರ್ಪ್ರೈಸ್!]

ಪ್ರೇಮ್ ಸಾರಥ್ಯದ 'ದಿ ವಿಲನ್'

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಮತ್ತು ಕರುನಾಡ ಚಕ್ರವರ್ತಿ ಶಿವರಾಜ್ ಕುಮಾರ್ ಒಟ್ಟಾಗಿ ಅಭಿನಯಿಸುತ್ತಿರುವ ಚಿತ್ರ 'ದಿ ವಿಲನ್'. ಈ ಚಿತ್ರವನ್ನ ಜೋಗಿ ಪ್ರೇಮ್ ನಿರ್ದೇಶನ ಮಾಡುತ್ತಿದ್ದಾರೆ. ಮೂಲಗಳ ಪ್ರಕಾರ ಆಮಿ ಜಾಕ್ಸನ್ ಚಿತ್ರದ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ. ಉಳಿದಂತೆ ಚಿತ್ರದಲ್ಲಿ ತೆಲುಗು ನಟ ಶ್ರೀಕಾಂತ್, ನಟಿ ಶ್ರುತಿ ಹರಿಹರನ್ ಕೂಡ ಇರಲಿದ್ದಾರೆ.[ಕ್ರಿಕೆಟ್ ಆಡಲು ಬಂದ ಸುದೀಪ್ ಗೆ ಲಂಡನ್ ನಲ್ಲಿದೆ ಇನ್ನೊಂದು ಕೆಲಸ.!ಏನದು?]