Don't Miss!
- News Karnataka LS Election 2024 LIVE: ಇಂದು ದೇಶದಲ್ಲಿ ಎರಡನೇ ಹಂತದ, ರಾಜ್ಯದಲ್ಲಿ ಮೊದಲ ಹಂತದ ಮತದಾನ
- Sports IPL 2024 :ಬಲಿಷ್ಠ ಹೈದರಾಬಾದ್ ಬಗ್ಗು ಬಡಿದ ಆರ್ಸಿಬಿ: ಕಮಿನ್ಸ್ ಪಡೆಗೆ ಹೀನಾಯ ಸೋಲು
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತೆಲುಗು ಹಾಸ್ಯನಟನ ಸಾವಿನ ಪ್ರಕರಣದಲ್ಲಿ ಪತ್ನಿ ಮತ್ತು ಆಕೆಯ ಕೈವಾಡ?
ತೆಲುಗು ಖ್ಯಾತ ಹಾಸ್ಯ ನಟ ವಿಜಯ್ ಸಾಯಿ ಕಳೆದ ವಾರ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದರು. ಸಾಲ ತೀರಿಸಲಾಗದೇ ಆತ್ಮಹತ್ಯೆಗೆ ಶರಣಾಗಿರಬಹುದು ಎಂದು ವರದಿಯಾಗಿತ್ತು. ಆದ್ರೀಗ, ಈ ಸಾವಿನ ಹಿಂದೆ ಪತ್ನಿ ಮತ್ತು ಮತ್ತೊಬ್ಬ ಹುಡುಗಿಯ ಹೆಸರು ಕೇಳಿ ಬರುತ್ತಿದೆ.
ವಿಜಯ್ ಸಾಯಿ ಅವರು ಸಾವನ್ನಪ್ಪಿದ ಕ್ಷಣದಿಂದ ಪತ್ನಿ ವನಿತಾ ಅವರು ತಲೆಮರೆಸಿಕೊಂಡಿದ್ದಾರಂತೆ. ವಿಜಯ್ ಪತ್ನಿಗಾಗಿ ಪೊಲೀಸರು ಹುಡುಕಾಟ ಆರಂಭಿಸಿದ್ದು, ಇನ್ನು ಸಿಕ್ಕಿಲ್ಲ. ಇತ್ತೀಚೆಗಷ್ಟೇ ಫೇಸ್ ಬುಕ್ ಲೈವ್ ಗೆ ಬಂದಿದ್ದ ವನಿತಾ, ಪತಿ ವಿಜಯ್ ಸಾಯಿ ಅವರ ಬಗ್ಗೆ ಸ್ಪೋಟಕ ಮಾಹಿತಿ ಬಿಚ್ಚಿಟ್ಟಿಲ್ಲದೇ, ಕೆಲವು ಖಾಸಗಿ ಫೋಟೋಗಳನ್ನ ಬಹಿರಂಗಪಡಿಸಿದ್ದಾರೆ.
ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡ ತೆಲುಗು ಹಾಸ್ಯ ನಟ
ಹೀಗಾಗಿ, ಸಾಲಬಾದೆಯಿಂದ ಸಾವನ್ನಪ್ಪಿರಬಹುದು ಎಂದು ಅಂದುಕೊಂಡಿದ್ದ ಪ್ರಕರಣಕ್ಕೆ ತಿರುವು ಸಿಕ್ಕಿದೆ. ಹಾಗಿದ್ರೆ, ವಿಜಯ್ ಸಾಯಿ ಸಾವಿಗೆ ಕಾರಣವೇನು? ಪತ್ನಿ ಮತ್ತು ಮತ್ತೊಬ್ಬ ಹುಡುಗಿಯ ಪಾತ್ರವೇನು ಎಂದು ತಿಳಿಯಲು ಮುಂದೆ ಓದಿ.....
ವಿಜಯ್ ಸಾಯಿ ಗೆ ಅನೈತಿಕ ಸಂಬಂಧವಿತ್ತು.!
ಹಾಸ್ಯ ನಟ ವಿಜಯ್ ಸಾಯಿಗೆ ಬೇರೆ ಹುಡುಗಿಯ ಜೊತೆ ಅನೈತಿಕ ಸಂಬಂಧವಿತ್ತು ಎಂದು ಪತ್ನಿ ವನಿತಾ ಆರೋಪಿಸಿದ್ದಾರೆ. ಅದಕ್ಕೆ ಸಂಬಂಧಪಟ್ಟಂತೆ ವಿಜಯ್ ಸಾಯಿ ಮತ್ತು ಆ ಹುಡುಗಿ ಒಟ್ಟಿಗೆ ಇರುವ ಖಾಸಗಿ ಫೋಟೋಗಳನ್ನ ಪತ್ನಿ ವನಿತಾ ಬಹಿರಂಗಪಡಿಸಿದ್ದಾರೆ.
ಪತ್ನಿ ಮೇಲೆ ಆರೋಪ ಮಾಡಿದ್ದ ವಿಜಯ್
ನನ್ನ ಸಾವಿಗೆ ಪತ್ನಿ ವನಿತಾ ಕಾರಣವೆಂದು ವಿಜಯ್ ಸಾಯಿ ಸಾಯುವುದಕ್ಕು ಮುಂಚೆ ಸೆಲ್ಫಿ ವಿಡಿಯೋ ಮಾಡಿದ್ದರಂತೆ. ವನಿತಾ ಅವರು ವಿಜಯ್ ಸಾಯಿ ಅವರಿಗೆ ವಿಚ್ಛೇದನ ನೀಡಿ ಎಂದು ಪೀಡಿಸುತ್ತಿದ್ದರು. ವನಿತಾಗೆ ವಕೀಲರೊಬ್ಬರ ಜೊತೆ ಸಂಬಂಧವಿತ್ತು ಎಂದು ವಿಜಯ್ ಮೊಬೈಲ್ ನಲ್ಲಿದ್ದ ಸೆಲ್ಫಿ ವಿಡಿಯೋದಲ್ಲಿ ಆರೋಪಿಸಿದ್ದಾರೆ. ಇದು ಪೊಲೀಸರಿಗೆ ಸಿಕ್ಕಿದ್ದು, ವಿಚಾರಣೆ ತೀವ್ರಗೊಳಿಸಿದ್ದಾರೆ.
ವನಿತಾ ತಲೆಮರೆಸಿಕೊಂಡಿದ್ದಾರೆ
ವಿಜಯ್ ಸಾಯಿ ಅವರ ಖಾಸಗಿ ಫೋಟೋ ಬಹಿರಂಗಪಡಿಸಿರುವ ವನಿತಾ ಪೊಲೀಸರಿಗೆ ಕೈಗೆ ಸಿಗದೇ ತಲೆಮರೆಸಿಕೊಂಡಿದ್ದಾರೆ. ಈ ಪ್ರಕರಣದ ಬಗ್ಗೆ ಸಾಕ್ಷಿ ಸಂಗ್ರಹಿಸುತ್ತಿದ್ದು, ಆದಷ್ಟೂ ಬೇಗ ನಾನೇ ಪೊಲೀಸರು ಮುಂದೆ ಬರುತ್ತೇನೆ ಎಂದು ಲೈವ್ ವಿಡಿಯೋದಲ್ಲಿ ತಿಳಿಸಿದ್ದಾರೆ ಎನ್ನಲಾಗಿದೆ.
ಪರಸ್ಪರ ದೂರವಿದ್ದ ದಂಪತಿ
ಅಂದ್ಹಾಗೆ, ವಿಜಯ್ ಸಾಯಿ ಮತ್ತು ವನಿತಾ ದಂಪತಿ ಕೆಲವು ತಿಂಗಳಿಗಳಿಂದ ಪರಸ್ಪರ ದೂರವಿದ್ದರು. ಇವರಿಬ್ಬರ ಜಗಳಕ್ಕೆ ಸಂಬಂಧಪಟ್ಟಂತೆ ಕೋರ್ಟ್ ನಲ್ಲಿ ಪ್ರಕರಣ ಕೂಡ ದಾಖಲಾಗಿತ್ತಂತೆ. ತೀರಾ ಕುತೂಹಲ, ಅನುಮಾನ ಮೂಡಿಸಿರುವ ಈ ಪ್ರಕರಣದಲ್ಲಿ ಯಾರದು ತಪ್ಪು, ಯಾರದು ಸರಿ ಎಂದು ಪೊಲೀಸರ ವಿಚಾರಣೆಯಿಂದ ಗೊತ್ತಾಗಬೇಕಿದೆ.