Don't Miss!
- News Karnataka LS Election 2024 LIVE: ಇಂದು ದೇಶದಲ್ಲಿ ಎರಡನೇ ಹಂತದ, ರಾಜ್ಯದಲ್ಲಿ ಮೊದಲ ಹಂತದ ಮತದಾನ
- Sports IPL 2024 :ಬಲಿಷ್ಠ ಹೈದರಾಬಾದ್ ಬಗ್ಗು ಬಡಿದ ಆರ್ಸಿಬಿ: ಕಮಿನ್ಸ್ ಪಡೆಗೆ ಹೀನಾಯ ಸೋಲು
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮತ್ತೊಮ್ಮೆ ಮೋಡಿ ಮಾಡಲು ಒಟ್ಟಿಗೆ ಬರುತ್ತಿದ್ದಾರೆ ಟಗರು ಶಿವ-ಡಾಲಿ
ಸಿನಿಮಾದಲ್ಲಿ ನಾಯಕ ಹಾಗೂ ವಿಲನ್ ನಡುವಿನ ಪರಸ್ಪರ ಸಂಘರ್ಷ ಹೇಗಿರಬೇಕು ಎಂಬುದಕ್ಕೆ ಉತ್ತಮ ಉದಾಹರಣೆ ಕನ್ನಡದ ಟಗರು ಸಿನಿಮಾ.
Recommended Video
ಒಬ್ಬರ ಮೇಲೊಬ್ಬರು ನಡೆಸುವ ಮಾನಸಿಕ ಯುದ್ಧ, ಒಬ್ಬರನ್ನೊಬ್ಬರು ರೊಚ್ಚಿಗೇಳಿಸುವ ಪರಿ ಎಲ್ಲವೂ ಅದ್ಭುತವಾಗಿತ್ತು. ಟಗರು ಶಿವು ಆಗಿ ಶಿವರಾಜ್ ಕುಮಾರ್ ಮಿಂಚಿದರೆ ಅವರಿಗೆ ಪೈಪೋಟಿ ನೀಡುವಂತೆ ಡಾಲಿ ಪಾತ್ರಕ್ಕೆ ಜೀವ ತುಂಬಿದ್ದರು ಧನಂಜಯ್.
ಟಗರು ಸಿನಿಮಾದ ಈ ಎರಡು ಪಾತ್ರಗಳನ್ನು ಸಿನಿಮಾ ಪ್ರೀತಿಯ ಮಂದಿ ಬಹು ಕಾಲ ನೆನಪಿನಲ್ಲಿಟ್ಟುಕೊಂಡಿರುತ್ತಾರೆ. ಇಬ್ಬರ ಕಾಂಬಿನೇಶನ್ ಜನರಿಗೆ ದೊಡ್ಡ ಮಟ್ಟಿನ ಮೋಡಿಯನ್ನೇ ಮಾಡಿದೆ. ಇದೀಗ ಇವರಿಬ್ಬರು ಮತ್ತೆ ಒಟ್ಟಿಗೆ ತೆರೆ ಮೇಲೆ ಕಾಣಿಸಿಕೊಳ್ಳಲಿದ್ದಾರೆ.
ಶಿವರಾಜ್ ಕುಮಾರ್-ಧನಂಜಯ್ ಒಟ್ಟಿಗೆ ಸಿನಿಮಾ
ಹೌದು, ಶಿವರಾಜ್ ಕುಮಾರ್ ಮತ್ತು ಧನಂಜಯ್ ಮತ್ತೆ ಸಿನಿಮಾವೊಂದರಲ್ಲಿ ಒಟ್ಟಿಗೆ ನಟಿಸಲಿದ್ದಾರೆ. ಈ ವಿಷಯವನ್ನು ನಟ ಧನಂಜಯ್ ಸ್ವತಃ ಬಹಿರಂಗಪಡಿಸಿದ್ದಾರೆ.
ಟ್ವೀಟ್ ಮಾಡಿರುವ ನಟ ಧನಂಜಯ್
ಟ್ವೀಟ್ ಮಾಡಿರುವ ಧನಂಜಯ್, ಮತ್ತೆ ಶಿವಣ್ಣ ಜೊತೆ ಬರಲಿದ್ದೇನೆ. ಈ ಸಿನಿಮಾ 2021 ಕ್ಕೆ ಬಿಡುಗಡೆ ಆಗಲಿದೆ ಎಂದಿದ್ದಾರೆ. ಸಿನಿಮಾಕ್ಕೆ ಇನ್ನೂ ಹೆಸರಿಟ್ಟಿಲ್ಲ, ಸದ್ಯಕ್ಕೆ ಪ್ರೊಡಕ್ಷನ್ ನಂ 2 ಎಂದು ಕರೆಯಲಾಗಿದೆ.
ಉತ್ತಮ ಸಿನಿಮಾ ಮಾಡಿರುವ ವಿಜಯ್ ಮಿಲ್ಟನ್
ಸಿನಿಮಾವನ್ನು ತಮಿಳಿನ ಖ್ಯಾತ ಸಿನಿಮಾಟೊಗ್ರಾಫರ್ ಮತ್ತು ನಿರ್ದೇಶಕ ವಿಜಯ್ ಮಿಲ್ಟನ್ ಮಾಡಲಿದ್ದಾರೆ. ಗೋಲಿ ಸೋಡಾ, ವಿಕ್ರಂ ಅವರ 10 ಎಂದ್ರತುಕ್ಕುಲ, ಇನ್ನೂ ಹಲವು ಸಿನಿಮಾಗಳನ್ನು ಮಿಲ್ಟನ್ ನಿರ್ದೇಶಿಸಿದ್ದಾರೆ.
ನಾಯಕಿ ಆಯ್ಕೆ ಇನ್ನೂ ಆಗಿಲ್ಲ
ಸಿನಿಮಾದ ನಿರ್ಮಾಣ ಜವಾಬ್ದಾರಿಯನ್ನು ಕೃಷ್ಣ ಕಾರ್ತಿಕ್ ವಹಿಸಿಕೊಂಡಿದ್ದಾರೆ. ಸಿನಿಮಾಕ್ಕೆ ಸಂಗೀತವನ್ನು ಅನುಪ್ ಸಿಳೀನ್ ನೀಡಲಿದ್ದಾರೆ. ಸಿನಿಮಾಕ್ಕೆ ನಾಯಕಿ ಆಯ್ಕೆ ಇನ್ನೂ ಆಗಿಲ್ಲ. ಸಿನಿಮಾ 2021 ರಲ್ಲಿ ತೆರೆಗೆ ಬರಲಿದೆ.