ಸೈಫ್ ಅಲಿ ಖಾನ್ ಸಹೋದರಿ ಸೀರೆ ತೊಟ್ಟಿದ್ದೆ ದೊಡ್ಡ ತಪ್ಪಾಯಿತು.!

ಸೀರೆ ತೊಟ್ಟಿದ್ದಕ್ಕೆ ಟ್ರೋಲ್

ಗುಲಾಬಿ ಬಣ್ಣದ ಸೀರೆಯುಟ್ಟು ಪತಿಯ ಜೊತೆ ಕಂಗೊಳಿಸಿರುವ ಪೋಟೊವನ್ನು ಸೋಹಾ ಅವರು, ರಂಜಾನ್ ದಿನ ಸಾಮಾಜಿಕ ಜಾಲತಾಣದಲ್ಲಿ ಹಾಕಿ ಅಭಿಮಾನಿಗಳಿಗೆ ಈದ್ ಮುಬಾರಕ್ ಶುಭಾಶಯ ಹೇಳಿದ್ದರು. ಇದು ಮುಸ್ಲಿಂ ಸಂಪ್ರದಾಯಸ್ಥರ ಕೋಪಕ್ಕೆ ಕಾರಣವಾಗಿದೆ.

ನೀನು ಮುಸ್ಲಿಂ ಅಲ್ಲಾ

ಈದ್ ಹಬ್ಬದ ದಿನ ಈ ರೀತಿಯಾಗಿ ಸೀರೆಯುಟ್ಟಿದ್ದಕ್ಕೆ ''ನಿನೊಬ್ಬಳ್ಳು ಮುಸ್ಲಿಂ ಅಲ್ಲ. ನೀನು ತೊಟ್ಟಿರುವ ಉಡುಗೆಗೂ ಮುಸ್ಲಿಂ ಸಂಪ್ರದಾಯಕ್ಕೂ ನಂಟಿಲ್ಲ. ಹಾಗೆಂದ ಮೇಲೆ ಶುಭಾಶಯ ಯಾಕೆ ಹೇಳುತ್ತೀಯಾ'' ಎಂದು ಕಿಡಿಕಾರಿದ್ದಾರೆ.

ಸೀಮಂತ ಕಾರ್ಯಕ್ರಮ ಇರಬಹುದು?

ಅಂದ್ಹಾಗೆ, ಸೋಹ ಆಲಿಖಾನ್ ಪೋಸ್ಟ್ ಮಾಡಿರುವ ಫೋಟೋಗಳು ಸೋಹ ಅವರ ಸೀಮಂತ ಕಾರ್ಯಕ್ರಮದ್ದು ಎಂದು ಹೇಳಲಾಗ್ತಿದೆ. ಇದು ನಡೆದಿದ್ದು ಯಾವಾಗ ಎಂಬುದರ ಬಗ್ಗೆ ನಿಖಿರವಾದ ಮಾಹಿತಿ ಇಲ್ಲವಾದರೂ, ಈದ್ ಹಬ್ಬಕ್ಕೆ ಪೋಸ್ಟ್ ಮಾಡಿ ಶುಭಾ ಕೋರಿದ್ದು ಮಾತ್ರ ತಪ್ಪು ಎಂದು ಬಿಂಬಿಸಲಾಗುತ್ತಿದೆ.

ಟ್ರೋಲ್ ಗೆ ಡೋಂಟ್ ಕೇರ್ ಎಂದ ನಟಿ

ಸೋಹಾ ಅಲಿ ಖಾನ್ ಮಾತ್ರ ಈ ಟೀಕೆಗಳಿಗೆಲ್ಲ ತಲೆಕೆಡಿಸಿಕೊಂಡಿಲ್ಲ. ಸೀಮಂತದ ಸಂಭ್ರಮವನ್ನು Instagramನಲ್ಲಿ ಹಂಚಿಕೊಂಡಿದ್ದಾರೆ. ''ಅಲಂಕಾರ ಮಾಡಿಕೊಳ್ಳಲು ಕುಟುಂಬದವರು ಹಾಗೂ ಸ್ನೇಹಿತರ ಪ್ರೀತಿಯೇ ಸಾಕು'' ಎಂದು ಕ್ಯಾಪ್ಷನ್ ಕೊಟ್ಟಿದ್ದಾರೆ. ಈ ಫೋಟೊಗಳಿಗೆ 60,000ಕ್ಕೂ ಹೆಚ್ಚು ಜನರು ಲೈಕ್ ಮಾಡಿದ್ದಾರೆ.