ಅಮೃತಾ ನಾಯ್ಕ್

ಜೀವನ ಚರಿತ್ರೆ :  ಅಮೃತಾ ನಾಯ್ಕ್ ಕನ್ನಡ ಚಿತ್ರರಂಗ ಹಾಗೂ ಕಿರುತೆರೆಯಲ್ಲಿ ಸಕ್ರಿಯವಾಗಿರುವ ನಟಿ. ಮೂಲತಃ ಮಂಗಳೂರಿನವರಾದ ಇವರಿಗೆ ಕಲೆಯ ಮೇಲೆ ಸಾಕಷ್ಟು ಆಸಕ್ತಿಯಿದೆ. ಮೊದಲ ಬಾರಿ ಸಿನಿಮಾ ನೋಡಿದಾಗ ತಮಗೂ ಟಿವಿಯಲ್ಲಿ ಕಾಣಿಸಿಕೊಳ್ಳಬೇಕೆಂಬ ಅನಿಸಿತ್ತಂತೆ. ಅಲ್ಲಿಂದಲೇ ನಟನೆ ಮೇಲೆ ಒಲವು ಹೆಚ್ಚಾಯಿತ್ತಂತೆ.  ಸಿನಿಮಾರಂಗ ಇವರು ರಾಜ್‌ ಬಿ ಶೆಟ್ಟಿ ಅಭಿನಯದ ಸೂಪರ್ ಹಿಟ್ ಸಿನಿಮಾ 'ಒಂದು ಮೊಟ್ಟೆಯ ಕಥೆ' ಸಿನಿಮಾ ಮೂಲಕ ಚಿತ್ರರಂಗಕ್ಕೆ ಕಾಲಿಟ್ಟರು. ಈ ಸಿನಿಮಾದ 'ಚಂದ ಅವಳ ಕಿರು ಲಜ್ಜೆ' ಹಾಡಿನಲ್ಲಿ ಕಾಣಿಸಿಕೊಂಡಿದ್ದರು. ಆ ನಂತರ ಕವಚ,  ಕಥಾಸಂಗಮ ಸಿನಿಮಾಗಳಲ್ಲಿ ನಟಿಸಿದರು. 2017ರಲ್ಲಿ ಧೀರಜ್ ನಿರ್ದೇಶನದ 'ದಿ ಗಿಲ್ಟ್' ಕಿರುಚಿತ್ರದಲ್ಲೂ ಅಭಿನಯಿಸಿದ್ದಾರೆ. ಕನ್ನಡ ಕಿರುತೆರೆ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾದ 'ಯಶೋಧಾ' ಧಾರಾವಾಹಿಯಲ್ಲಿ ಸಣ್ಣ ಪಾತ್ರ ಮಾಡುವ ಮೂಲಕ ಕನ್ನಡ ಕಿರುತೆರೆ ಕಾಲಿಟ್ಟರು. ಆನಂತರ ಶಾಂತಂ ಪಾಪಂ ಎಪಿಸೋಡ್‌ನಲ್ಲೂ ಕಾಣಿಸಿಕೊಂಡರು. ಇದಾದ ಬಳಿಕ ರಾಜಿ, ಕಥೆಯೊಂದು ಶುರುವಾಗಿದೆ ಧಾರಾವಾಹಿಗಳಲ್ಲಿ ಅಭಿನಯಸಿದರು. ಸದ್ಯ ಅಮೃತಧಾರೆ ಸೀರಿಯಲ್‌ನ ಅಪೇಕ್ಷಾ ಪಾತ್ರದ ಮೂಲಕ ಸಿಕ್ಕಾಪಟ್ಟೆ ಜನಪ್ರಿಯತೆ ಗಳಿಸಿದ್ದಾರೆ.