ಬಘೀರ

ರೋರಿಂಗ್ ಸ್ಟಾರ್  ಶ್ರೀಮುರಳಿ  ನಟನೆಯ ಬಘೀರ ಚಿತ್ರವನ್ನು  ಡಾ. ಸೂರಿ  ನಿರ್ದೇಶನ ಮಾಡಿದ್ದಾರೆ. ಈ ಸಿನಿಮಾಗೆ  ಪ್ರಶಾಂತ್ ನೀಲ್  ಕಥೆ ಬರೆದಿದ್ದು  ರುಕ್ಮಿಣಿ ವಸಂತ್  ನಾಯಕಿಯಾಗಿ ಅಭಿನಯಿಸಿದ್ದಾರೆ. ಉಳಿದಂತೆ ಪ್ರಕಾಶ್ ರೈ, ಅಚ್ಯುರ್ ಕುಮಾರ್, ರಾಮಚಂದ್ರ ರಾಜು, ಸುಧಾರಾಣಿ, ರಂಗಾಯಣ ರಘು, ಪ್ರಮೋದ್ ಶೆಟ್ಟಿ, ಶರತ್ ಲೋಹಿತಾಶ್ವ ಮುಂಆತದವರು ತಾರಾಗಣದಲ್ಲಿದ್ದಾರೆ.   ಬಿ ಅಜನೀಶ್ ಲೋಕನಾಥ್  ಸಂಗೀತ, ಅರ್ಜುನ್ ಶೆಟ್ಟಿ ಛಾಯಾಗ್ರಹಣ ಹಾಗೂ ಪ್ರಣವ್ ಶ್ರೀ ಪ್ರಸಾದ್ ಸಂಕಲನ ಸಿನಿಮಾಗಿದೆ. ವಿಜಯ್ ಕಿರಂಗಂದುರ್ ಹೊಂಬಾಳೆ ಫಿಲ್ಸ್ಮ್ ಅಡಿಯಲ್ಲಿ 'ಬಘೀರ' ಚಿತ್ರ ನಿರ್ಮಾಣ ಮಾಟಿದ್ದಾರೆ. ಈ ಆಕ್ಸನ್ ಥ್ರಿಲ್ಲರ್ ಚಿತ್ರದಲ್ಲಿ ಶ್ರೀಮುರಳಿ ಖಡಕ್ ಪೊಲೀಸ್ ಅಧಿಕಾರಿಯಾಗಿ ಕಾಣಿಸಿಕೊಂಡಿದ್ದಾರೆ. ಕಥೆ:  ಸಿನಿಮಾದ ಹೀರೋ ವೇದಾಂತ್‌ಗೆ (ಮುರಳಿ) ಚಿಕ್ಕವನಿದ್ದಾಗಿನಿಂದಲೂ ಸೂಪರ್ ಹೀರೋ ಆಗಬೇಕೆಂಬ ಆಸೆ. ಆತನ ಅಮ್ಮ (ಸುಧಾರಾಣಿ) ಮಗನಿಗೆ ಸೂಪರ್‌ ಹೀರೋ ಅಂದರೆ ಯಾರು ಅನ್ನೋದನ್ನು ಅರ್ಥ ಮಾಡಿಸುತ್ತಾರೆ. ಬಳಿಕ ವೇದಾಂತ್ ಬೆಳೆದು ಪೊಲೀಸ್ ಅಧಿಕಾರಿಯಾಗುತ್ತಾನೆ. ವೇದಾಂತ್ ಪೊಲೀಸ್ ಆಗಿರುವಾಗ ಈ 'ಬಘೀರ' ಯಾರು? ಅವನು ಜನರ ಸಮಸ್ಯೆಗಳಿಗೆ ಹೇಗೆಲ್ಲ ಸ್ಪಂದಿಸುತ್ತಾನೆ? ಕನ್ನಡದ ಸೂಪರ್‌ ಹೀರೋ ಹೇಗಾಗುತ್ತಾನೆ? ಅನ್ನೋದು ಈ ಸಿನಿಮಾ ಒನ್‌ಲೈನ್ ಸ್ಟೋರಿ.  ಬಿಡುಗಡೆ:  ಬಘೀರ ಸಿನಿಮಾ 2024ರ ಅಕ್ಟೋಬರ್ 31ರಂದು ರಾಜ್ಯಾದ್ಯಂತ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಯಿತು.  ಒಟಿಟಿ: ಬಘೀರ ಸಿನಿಮಾ 2024ರ ನವೆಂಬರ್ 21ರಂದು ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆ ಆಯಿತು.