Don't Miss!
- News Gold Price: ಚಿನ್ನ ಮತ್ತು ಬೆಳ್ಳಿ ದರದಲ್ಲಿ ಭಾರೀ ಇಳಿಕೆ, ಇಂದಿನ ಬೆಲೆ ವಿವರ
- Lifestyle ಬಾಯಿ ಚಪ್ಪರಿಸಿ ಸವಿಯುವ ನೆಲ್ಲಿಕಾಯಿ ಉಪ್ಪಿನಕಾಯಿ..!
- Finance BMRCL: ಇಂದು ನಮ್ಮ ಮೆಟ್ರೋ ಕಾರ್ಯಾಚರಣೆ ಅವಧಿ ವಿಸ್ತರಣೆ, ಸಮಯ ವಿವರ
- Sports IPL 2024 :ಬಲಿಷ್ಠ ಹೈದರಾಬಾದ್ ಬಗ್ಗು ಬಡಿದ ಆರ್ಸಿಬಿ: ಕಮಿನ್ಸ್ ಪಡೆಗೆ ಹೀನಾಯ ಸೋಲು
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಾಕ್ಸ್ ಆಫೀಸಲ್ಲಿ ಜಿಲೇಬಿ ಸವಿದ ಅಕ್ಕಿ ಚಿತ್ರ 'ಬೇಬಿ'
ಅಕ್ಷಯ್ ಕುಮಾರ್ ಮುಖ್ಯಭೂಮಿಕೆಯಲ್ಲಿರುವ ಬಹುತಾರಾಗಣದ ಚಿತ್ರ 'ಬೇಬಿ'. ಈ ಚಿತ್ರ ವಿಮರ್ಶಕರ ಅಪಾರ ಮೆಚ್ಚುಗೆಗೆ ಪಾತ್ರವಾಗಿದ್ದು ಬಾಕ್ಸ್ ಆಫೀಸಲ್ಲಿ ಜಿಲೇಬಿ ಸವಿದಿದೆ. ಹತ್ತೇ ದಿನಗಳಲ್ಲಿ ಚಿತ್ರ ನಿವ್ವಳ ರು.76.47 ಕೋಟಿ ಕಲೆಕ್ಷನ್ ಮಾಡಿದೆ.
ಅಕ್ಷಯ್ ಕುಮಾರ್ ಅವರ ಆಕ್ಷನ್ ಪೋಸ್ಟರ್, ವಿಚಿತ್ರವಾದ ಶೀರ್ಷಿಕೆಯ ಕಾರಣ 'ಬೇಬಿ' ಚಿತ್ರ ಪ್ರೇಕ್ಷಕರನ್ನು ಥಿಯೇಟರ್ ನತ್ತ ಸೆಳೆಯುತ್ತಿದೆ. ಆದರೆ ಅಕ್ಕಿ ಪ್ರೇಕ್ಷಕರನ್ನು ನಿರಾಶೆಪಡಿಸುವುದಿಲ್ಲ. ಚಿತ್ರ ಕುತೂಹಲಭರಿತವಾಗಿ ಸಾಗಿಹೋಗುತ್ತದೆ. [ಬೇಬಿ ಚಿತ್ರ ವಿಮರ್ಶೆ]
ಈ ಚಿತ್ರದ ಟೀಸರ್ ಸಹ ಸಾಮಾಜಿಕ ಜಾಲತಾಣಗಳಲ್ಲಿ ಬಹಳ ಚರ್ಚೆಗೆ ಗ್ರಾಸವಾಗಿತ್ತು. ಯೂಟ್ಯೂಬ್ ನಲ್ಲಿ ಬಿಡುಗಡೆಯಾದ ಕೆಲವೇ ಕ್ಷಣಗಳಲ್ಲಿ ವೈರಲ್ ಆಗಿತ್ತು. ಅದಕ್ಕೆ 'ಬೇಬಿ ಸಿಜಲ್' ಎಂದು ಹೆಸರಿಡಲಾಗಿತ್ತು. ಅಕ್ಕಿ ಸಹ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದರು.
ಸರಿಸುಮಾರು ರು.58.97 ಕೋಟಿ ವೆಚ್ಚದಲ್ಲಿ ನಿರ್ಮಿಸಿದ ಚಿತ್ರಕ್ಕೆ ನೀರಜ್ ಪಾಂಡೆ ಆಕ್ಷನ್ ಕಟ್ ಹೇಳಿದ್ದಾರೆ. ಪಾತ್ರವರ್ಗದಲ್ಲಿ ಡ್ಯಾನಿ ಡೆನ್ ಜೋಂಗ್ ಪ, ಅನುಪಮ್ ಖೇರ್, ರಾಣ ದಗ್ಗುಬಾಟಿ, ತಾಪಸಿ ಪಣ್ಣು, ಕೆಕೆ ಮೆನನ್ ಸೇರಿದಂತೆ ಮುಂತಾದರಿದ್ದಾರೆ.
ಅಕ್ಷಯ್ ಕುಮಾರ್ ಅವರ ಅಭಿನಯ ಹಾಗೂ ನೀರಜ್ ಪಾಂಡೆ ಅವರ ನಿರ್ದೇಶನದ ಬಗ್ಗೆ ಮೆಚ್ಚುಗೆಯ ಮಹಾಪೂರವೇ ಹರಿದುಬರುತ್ತಿದೆ. ಇತ್ತೀಚೆಗೆ ಅಕ್ಕಿ ಚಿತ್ರಗಳು ದೇಶಪ್ರೇಮ ಸಾರುತ್ತಿದ್ದು ಬಾಲಿವುಡ್ ಖಾನ್ ತ್ರಯರ ಚಿತ್ರಗಳಿಗೆ ಸೆಡ್ಡುಹೊಡೆಯುತ್ತಿರುವುದು ವಿಶೇಷ.
ಭಾರತದಲ್ಲಿ ನಡೆಯುತ್ತಿರುವ ಭಯೋತ್ಪಾದನೆಗೆ ಬ್ರೇಕ್ ಹಾಕಲು ಪ್ರಯತ್ನಿಸುವ ರಹಸ್ಯ ಕಾರ್ಯಚರಣೆ ಹೆಸರು 'ಬೇಬಿ'. ಈ ತಂಡ ಏನೆಲ್ಲಾ ಮಾಡುತ್ತದೆ ಎಂಬುದನ್ನು ತೆರೆಯ ಮೇಲೆ ನೋಡಿಯೇ ಆನಂದಿಸಬೇಕು. (ಏಜೆನ್ಸೀಸ್)