ಸುಮನ್ ರಂಗನಾಥನ್

ಜೀವನ ಚರಿತ್ರೆ :  ಚಂದನವನದ ಚಿರಯವ್ವನೆ  ಸುಮನ್ ರಂಗನಾಥ್ ಕನ್ನಡ,ಹಿಂದಿ ಮತ್ತು ತಮಿಳು ಚಿತ್ರರಂಗದಲ್ಲಿ ಸಕ್ರಿಯವಾಗಿರುವ ನಟಿ ಮತ್ತು ಮಾಡೆಲ್. ಕನ್ನಡದ ಪ್ರಶಸ್ತಿ ವಿಜೇತ ಚಿತ್ರ `ಸಂತ ಶಿಶುನಾಳ ಶರೀಫ' ಚಿತ್ರದಿಂದ ಇವರ ಸಿನಪಯಣ ಆರಂಭವಾಯಿತು. ಈ ಚಿತ್ರದಲ್ಲಿನ  ಶಿಶುನಾಳ ಶರೀಫರ ಪತ್ನಿ ಪಾತ್ರದಲ್ಲಿನ ಇವರ ನಟನೆ ಪ್ರಶಂಸೆ ಪಡೆಯಿತು. ನಂತರ ಶಂಕರ ನಾಗ್‌ರ ಚಿತ್ರ `ಸಿ.ಬಿ.ಐ ಶಂಕರ್'ದಲ್ಲಿ ನಟಿಸಿದ ಇವರು ಜನಪ್ರಿಯವಾದರು.ಈ ಚಿತ್ರದ ನಂತರ ಸುಮನ್‌ ಗೆ ಹಲವಾರು ಅವಕಾಶಗಳು ಒಲಿದು ಬಂದವು. 1996 ರಲ್ಲಿ ತೆರೆಗೆ ಬಂದ `ಪರೀಬ್' ಚಿತ್ರದ ಮೂಲಕ ಬಾಲಿವುಡ್ ಚಿತ್ರರಂಗ ಪ್ರವೇಶಿಸಿದರು. 1999 ರಲ್ಲಿ ತೆರೆಕಂಡ `ಅಬ್ ಅಬ್ ಲೌಟ್ ಚಲೇಂ' ಚಿತ್ರದಲ್ಲಿ ಇಂಡೋ-ಅಮೇರಿಕನ್ ಸೋಷಿಲಿಸ್ಟ್ ಪಾತ್ರದಲ್ಲಿ ಮಿಂಚಿದ್ದರು. ಕೆಲಕಾಲ ಬಾಲಿವುಡ್ ನಟ ರಾಹುಲ್ ರಾಯ್‌ರೊಂದಿಗೆ ಡೇಟಿಂಗ್ ಮಾಡಿದ್ದರು.   2007 ರ `ಮಿ. ಇಂಡಿಯಾ ವರ್ಡ್' ಸ್ಫರ್ಧೆಯಲ್ಲಿ ಜಡ್ಜ್ ಆಗಿ ಕೂಡ ಕಾರ್ಯನಿರ್ವಹಿಸಿದ್ದ  ಸುಮನ್ ಪ್ರಸ್ತುತ ಕನ್ನಡ ಕಿರುತೆರೆಯ ಹಲವು ಕಾರ್ಯಕ್ರಮಗಳಲ್ಲಿ ತೀರ್ಪುಗಾರರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.  ಬಾಲಿವುಡ್ ನಿರ್ಮಾಪಕ ಬಂಟಿ ವಾಲಿಯಾರೊದಿಗೆ ವಿವಾಹವಾಗಿದ್ದ ಸುಮನ್ 2007 ರಲ್ಲಿ ಬೇರೆಯಾಗಿದ್ದರು.