ಶಿವಣ್ಣ ಚಿತ್ರಕ್ಕೆ ಬಾಲಿವುಡ್ ನಾಯಕಿ: ದರ್ಶನ್ ಜೊತೆಯೂ ನಟಿಸುವ ಆಸೆಯಂತೆ.!

ಇಹಾನ ಡಿಲ್ಲೋನ್

ಹ್ಯಾಟ್ರಿಕ್ ಹೀರೋಗೆ ನಾಯಕಿಯಾಗಲಿರುವ ನಟಿ ಪಂಜಾಬಿ ಬೆಡಗಿ ಇಹಾನ ಡಿಲ್ಲೋನ್. ಸದ್ಯ 'ಹೇಟ್ ಸ್ಟೋರಿ-4' ಚಿತ್ರದಲ್ಲಿ ನಟಿಸಿರುವ ಇಹಾನ ಇತ್ತೀಚಿಗಷ್ಟೆ ಬೆಂಗಳೂರಿಗೆ ಚಿತ್ರದ ಪ್ರಚಾರಕ್ಕೆ ಬಂದಿದ್ದರು. ಈ ವೇಳೆ ಮಾತನಾಡಿದ ಡಿಲ್ಲೋನ್ ಕನ್ನಡ ಸಿನಿಮಾಗಳಲ್ಲಿ ನಟಿಸುವ ಬಗ್ಗೆ ಮಾತನಾಡಿದ್ದಾರೆ.

ಅವಕಾಶ ಬಂದಿವೆ

ಕನ್ನಡ ಸಿನಿಮಾಗಳಲ್ಲಿ ನಟಿಸುವಂತೆ ಕನ್ನಡ ನಿರ್ಮಾಪಕರು ಅವಕಾಶಗಳನ್ನ ನೀಡುತ್ತಿದ್ದಾರೆ. ಸದ್ಯ, ಮೂರ್ನಾಲ್ಕು ಚಿತ್ರಗಳ ಬಗ್ಗೆ ಮಾತುಕಥೆ ನಡೆಯುತ್ತಿದೆ. ಇದರಲ್ಲಿ ಶಿವರಾಜ್ ಕುಮಾರ್ ಅವರ ಸಿನಿಮಾ ಕೂಡ ಇದೆ ಎಂದಿದ್ದಾರೆ. ಹೀಗಾಗಿ, ಡಿಲ್ಲೋನ್ ಒಪ್ಪಿಕೊಂಡರೇ ಶಿವಣ್ಣಗೆ ನಾಯಕಿಯಾಗುವ ಛಾನ್ಸ್ ಪಡೆದುಕೊಳ್ಳಲಿದ್ದಾರೆ.

ದರ್ಶನ್ ಅಂದ್ರೆ ಇಷ್ಟ

ಸೌತ್ ಇಂಡಿಯಾ ಕಡೆ ಮುಖ ಮಾಡಿರುವ ಇಹಾನಗೆ ಕನ್ನಡದಲ್ಲಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಂದ್ರೆ ಹೆಚ್ಚು ಇಷ್ಟವಂತೆ. ಅವರ ಜೊತೆ ಸ್ಕ್ರೀನ್ ಶೇರ್ ಮಾಡಬೇಕು ಎನ್ನುವ ಆಸೆ ಇದೆಯಂತೆ.

ದರ್ಶನ್ ನಾಯಕಿಯ 'ಹೇಟ್ ಸ್ಟೋರಿ'

ಬಾಲಿವುಡ್ ಯಶಸ್ವಿ ಸರಣಿ ಸಿನಿಮಾ 'ಹೇಟ್ ಸ್ಟೋರಿ-4' ಇದೇ ಮಾರ್ಚ್ 9 ರಂದು ತೆರೆಕಾಣುತ್ತಿದೆ. ದರ್ಶನ್ ಜೊತೆ 'ಮಿ.ಐರಾವತ' ಸಿನಿಮಾ ಮಾಡಿದ್ದ ನಟಿ ಊರ್ವಿಶಿ ರೌಟೇಲಾ ಈ ಚಿತ್ರದ ನಾಯಕಿಯಾಗಿ ಅಭಿನಯಿಸಿದ್ದಾರೆ.