12ನೇ ದಿನ '777 ಚಾರ್ಲಿ' ವಿಶ್ವದಾದ್ಯಂತ ಗಳಿಸಿದ್ದೆಷ್ಟು? 100 ಕೋಟಿ ರೂ.ಗೆ ಇನ್ನೆಷ್ಟು ಬೇಕು?

12ನೇ ದಿನ '777 ಚಾರ್ಲಿ' ಗಳಿಸಿದ್ದೆಷ್ಟು?

ರಕ್ಷಿತ್ ಶೆಟ್ಟಿ ಹಾಗೂ ಚಾರ್ಲಿ ಕಾಂಬಿನೇಷನ್‌ ಸಿನಿಮಾ ಕಳೆದ 12 ದಿನಗಳಿಂದಲೂ ಕಲೆಕ್ಷನ್ ವಿಚಾರದಲ್ಲಿ ಹಿಂದೆ ಬಿದ್ದಿಲ್ಲ. ಕರ್ನಾಟಕದಿಂದಲೇ '777 ಚಾರ್ಲಿ' ಕಲೆಕ್ಷನ್‌ನ ಬಹುಪಾಲು ಬಂದಿದ್ದರೂ, ಉಳಿದೆಡೆಗಳಲ್ಲಿ ಸಿನಿಮಾಗೂ ಸೂಪರ್‌ ರೆಸ್ಪಾನ್ಸ್ ಸಿಕ್ಕಿದೆ. ಟ್ರೇಡ್ ಅನಲಿಸ್ಟ್‌ಗಳ ಪ್ರಕಾರ, 12ನೇ ದಿನ '777 ಚಾರ್ಲಿ' ಸುಮಾರು 1.85 ಕೋಟಿ ರೂ. ಗಳಿಕೆ ಕಂಡಿದೆ. ಕಳೆದ 11 ದಿನಗಳಿಗೆ ಹೋಲಿಕೆ ಮಾಡಿದರೆ, ಶೇ. 15.91ರಷ್ಟು ಇಳಿಕೆ ಕಂಡಿದ್ದರೂ, ಇದು ಉತ್ತಮ ಗಳಿಕೆ ಅಂತಲೇ ಹೇಳಲಾಗಿದೆ.

'777 ಚಾರ್ಲಿ'ಗೆ ತೆರಿಗೆ ವಿನಾಯಿತಿ ನೀಡಿದ್ದಕ್ಕೆ ಮಂಸೋರೆ ವಿರೋಧ: ಸಿಎಂ ವಿರುದ್ಧ ಆಕ್ರೋಶ!

12 ದಿನಗಳಲ್ಲಿ ಚಾರ್ಲಿ ಗಳಿಸಿದ್ದೆಷ್ಟು?

ಈ 12 ದಿನಗಳಲ್ಲಿ '777 ಚಾರ್ಲಿ' ಗಳಿಕೆ ಸಖತ್ತಾಗಿದೆ. ನಿರೀಕ್ಷೆಯಂತೆ ಸಿನಿಮಾ 100 ಕೋಟಿಯತ್ತ ದಾಪುಗಾಲು ಹಾಕುತ್ತಿದೆ. ಇನ್ನು ಎರಡು ಮೂರು ವಾರಗಳಲ್ಲಿ 100 ಕೋಟಿ ಕ್ಲಬ್ ಗುರಿಯನ್ನು ಆರಾಮಾಗಿ ಸೇರಬಹುದು ಎಂದು ನಿರೀಕ್ಷೆ ಮಾಡಲಾಗಿದೆ. ಕಳೆದ 12 ದಿನಗಳಲ್ಲಿ ವಿಶ್ವದಾದ್ಯಂತ ಈ ಸಿನಿಮಾ 70.10 ಕೋಟಿ ರೂ, ಗಳಿಕೆ ಕಂಡಿದೆ ಎಂದು ವರದಿಯಾಗಿದೆ.

ಮೊದಲ ವಾರ 38.75 ಕೋಟಿ ರೂ.
2ನೇ ವಾರ 18.55 ಕೋಟಿ ರೂ.
3ನೇ ವಾರ 12.80 ಕೋಟಿ ರೂ.

ಒಟ್ಟು 70.10 ಕೋಟಿ ರೂ.

ಯಾವ್ಯಾವ ರಾಜ್ಯದಲ್ಲಿ ಚಾರ್ಲಿ ಅಬ್ಬರ ಎಷ್ಟಿದೆ?

'777 ಚಾರ್ಲಿ' ಸಿನಿಮಾ ಕರ್ನಾಟಕದಲ್ಲಿ ಅತೀ ಹೆಚ್ಚು ಕಲೆಕ್ಷನ್ ಮಾಡಿದೆ. ಉಳಿದ ರಾಜ್ಯದಲ್ಲೂ ಶ್ವಾನ ಪ್ರಿಯರಿಗೆ ಇಷ್ಟ ಆಗಿದ್ದು, ಚಾರ್ಲಿ ಸಿನಿಮಾ ಬಂದು ನೋಡುತ್ತಿದ್ದಾರೆ. ಆಂಧ್ರ, ತೆಲಂಗಾಣ, ತಮಿಳುನಾಡು, ಕೇರಳ, ಉತ್ತರ ಭಾರತದಲ್ಲೂ ಮೆಚ್ಚುಗೆ ಗಳಿಸಿದೆ.

ಕರ್ನಾಟಕ 52.55 ಕೋಟಿ ರೂ. ( Updated)
ಆಂಧ್ರ/ತೆಲಂಗಾಣ 4.20 ಕೋಟಿ ರೂ.
ಕೇರಳ 2.60 ಕೋಟಿ ರೂ.
ತಮಿಳುನಾಡು 2.15 ಕೋಟಿ ರೂ.
ಉತ್ತರ ಭಾರತ 4.55 ಕೋಟಿ ರೂ.
ವಿದೇಶ 4.05 ಕೋಟಿ ರೂ.

ಒಟ್ಟು 71.10 ಕೋಟಿ ರೂ.

'777 ಚಾರ್ಲಿ' ಸಿನಿಮಾಕ್ಕೆ ತೆರಿಗೆ ವಿನಾಯಿತಿ ನೀಡಿದ ಸರ್ಕಾರ

100 ಕೋಟಿ ಕ್ಲಬ್ ಸೇರೋದ್ಯಾವಾಗ?

ಟ್ರೇಡ್ ಅನಲಿಸ್ಟ್ ಹಾಗೂ ಕೆಲವು ವಿತರಕರ ಮಾಹಿತಿಯನ್ನು ಆಧರಿಸಿ ಈ 12 ದಿನಗಳಲ್ಲಿ ಸುಮಾರು 71.10 ಕೋಟಿ ಗಳಿಕೆ ಕಂಡಿದೆ ಎಂದು ವರದಿಯಾಗಿದೆ. 100 ಕೋಟಿ ಕ್ಲಬ್ ಸೇರಲು ಈ ಸಿನಿಮಾ ಇನ್ನು 29 ಕೋಟಿ ರೂ. ಗಳಿಸಬೇಕಿದೆ. '777 ಚಾರ್ಲಿ'ಗೆ ಹೀಗೆ ಬೆಂಬಲ ದೊರೆತರೆ 100 ಕೋಟಿ ಕ್ಲಬ್ ಸೇರಿದ ರಕ್ಷಿತ್ ಶೆಟ್ಟಿಯ ಮೊದಲ ಸಿನಿಮಾ ಎಂಬ ಹೆಗ್ಗಳಿಕೆ ಗಳಿಸಲಿದೆ. ಆದರೆ, ಈ ಸಿನಿಮಾದ ನಿಖರವಾದ ಕಲೆಕ್ಷನ್ ಎಷ್ಟು ಅನ್ನುವುದನ್ನು ಅಧಿಕೃತವಾಗಿ ಚಿತ್ರತಂಡ ಬಹಿರಂಗ ಪಡಿಸಿಲ್ಲ. ಒಂದು ವೇಳೆ ಈ ಸಿನಿಮಾ ಕಲೆಕ್ಷನ್ ಆಸು-ಪಾಸಿನಲ್ಲಿ ಇದ್ದರೂ, 100 ಕೋಟಿ ಕ್ಲಬ್‌ವರೆಗೂ ತಲುಪುತ್ತಾ? ಅನ್ನುವ ಕುತೂಹಲವಂತೂ ಇದ್ದೇ ಇದೆ.