Don't Miss!
- News Karnataka LS Election 2024 LIVE: ಇಂದು ದೇಶದಲ್ಲಿ ಎರಡನೇ ಹಂತದ, ರಾಜ್ಯದಲ್ಲಿ ಮೊದಲ ಹಂತದ ಮತದಾನ
- Sports IPL 2024 :ಬಲಿಷ್ಠ ಹೈದರಾಬಾದ್ ಬಗ್ಗು ಬಡಿದ ಆರ್ಸಿಬಿ: ಕಮಿನ್ಸ್ ಪಡೆಗೆ ಹೀನಾಯ ಸೋಲು
- Lifestyle ಪುಟ್ಟ ಕಂದಮ್ಮಗಳ ಮುಖದಲ್ಲಿ ನಗು ತರಿಸಲು ಟೀಚರ್ ಮಾಡಿದ ಕೆಲಸ ನೋಡಿ, ಮಕ್ಕಳ ಪಾಲಿನ ದೇವತೆ ಇವರು
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹುಟ್ಟುಹಬ್ಬದ ಸವಿನೆನಪಿನಲ್ಲಿ ಅಣ್ಣಾವ್ರ ಕುರಿತು ಇಂಟ್ರೆಸ್ಟಿಂಗ್ ವಿಷಯಗಳು
ಕರ್ನಾಟಕದಲ್ಲಿ ಅಭಿಮಾನಿಗಳು ಏನನ್ನು ಬೇಕಾದರೂ ಮರೆಯಬಹುದು. ಆದರೆ, ಅಣ್ಣಾವ್ರ ಹುಟ್ಟುಹಬ್ಬವನ್ನು ಮಾತ್ರ ಮರೆಯುವುದಕ್ಕೆ ಸಾಧ್ಯವೇ ಇಲ್ಲ. ಏಪ್ರಿಲ್ 24 ಬಂತು ಅಂದ್ರೆ, ಅಭಿಮಾನಿ ದೇವರುಗಳು ಪ್ರತಿ ಗಲ್ಲಿ ಗಲ್ಲಿಯಲ್ಲೂ ಡಾ.ರಾಜ್ಕುಮಾರ್ ಅವರ ಹುಟ್ಟುಹಬ್ಬವನ್ನು ಸಂಭ್ರಮದಿಂದ ಆಚರಣೆ ಮಾಡುತ್ತಾರೆ.
ಇಂದು (ಏಪ್ರಿಲ್ 24) ಡಾ.ರಾಜ್ಕುಮಾರ್ ಅವರ 94ನೇ ಹುಟ್ಟುಹಬ್ಬವನ್ನು ಕರುನಾಡು ಆಚರಣೆ ಮಾಡುತ್ತಿದೆ. ಡಾ.ರಾಜ್ಕುಮಾರ್ ಅಗಲಿ 16 ವರ್ಷಗಳಾಗಿದ್ದರೂ, ಅಭಿಮಾನಿಗಳು ತಮ್ಮ ಮನಸ್ಸಿನಲ್ಲಿ ಅಣ್ಣಾವ್ರನ್ನು ಇಟ್ಟುಕೊಂಡು ಪೂಜೆ ಮಾಡುತ್ತಿದ್ದಾರೆ. ಇಂತಹದ್ದೊಂದು ಅನ್ಕಂಡಿಷನಲ್ ಅಭಿಮಾನಿ ಬಳಗ ಹುಟ್ಟಲು ಕಾರಣ ಅಣ್ಣಾವ್ರ ಸಿನಿಮಾದ ಪಾತ್ರಗಳು. ಡಾ.ರಾಜ್ಕುಮಾರ್ ನಟಿಸಿದ ಒಂದೊಂದು ಪಾತ್ರ ಇಂದಿಗೂ ಅವರ ಅಭಿಮಾನಿಗಳಲ್ಲಿ ಅಚ್ಚಳಿಯದೆ ಉಳಿದಿದೆ. ಇಷ್ಟೊಂದು ಅಭಿಮಾನಿಗಳನ್ನು ಸಂಪಾದಿಸಿದ್ದ ಅಣ್ಣಾವ್ರ ಕುರಿತ ಕೆಲವು ಇಂಟ್ರೆಸ್ಟಿಂಗ್ ವಿಷಯಗಳು ಇಲ್ಲಿವೆ.
ಅಣ್ಣಾವ್ರಿಗೆ ಇರೋ ಬಿರುದು ಮತ್ಯಾರಿಗೂ ಇಲ್ಲ
ಡಾ.ರಾಜ್ಕುಮಾರ್ ಕೇವಲ ಒಬ್ಬ ನಟನಷ್ಟೇ ಅಲ್ಲ. ಕನ್ನಡಿಗರ ಸಂಸ್ಕೃತಿಯ ಕೊಂಡಿಯಾಗಿದ್ದರು. ಅಣ್ಣಾವ್ರ ಸಿನಿಮಾ ಜರ್ನಿಯನ್ನು ಅವಲೋಕಿಸಿದವರು ಇವರನ್ನು ಕಲ್ಚರಲ್ ಐಕಾನ್ ಎಂದೇ ಕರೆಯುತ್ತಾರೆ. ಇನ್ನೊಂದು ಅಭಿಮಾನಿಗಳು ಅಭಿಮಾನಿದಿಂದ ಕೊಟ್ಟ ಬಿರುದುಗಳು ಪಟ್ಟಿನೇ ದೊಡ್ಡದಿದೆ. ನಟಸಾರ್ವಭೌಮ, ವರನಟ, ಬಂಗಾರದ ಮನುಷ್ಯ, ಗಾನಗಂಧರ್ವ, ರಸಿಕರ ರಾಜ, ಕನ್ನಡ ಕಂಠೀರವ, ರಾಜಣ್ಣ, ಅಣ್ಣಾವ್ರು. ಹೀಗೆ ಬಿರುದುಗಳ ಪಟ್ಟಿ ಮುಂದುವರೆಯುತ್ತೆ. ಒಬ್ಬ ನಟ ಅಭಿಮಾನಿಗಳಿಂದ ಇಷ್ಟೊಂದು ಬಿರುದುಗಳನ್ನು ಪಡೆದವರು ಮತ್ಯಾರೂ ಇಲ್ಲ.
35ಕ್ಕೂ ಹೆಚ್ಚು ಸಿನಿಮಾ ರಿಮೇಕ್
ಡಾ.ರಾಜ್ಕುಮಾರ್ ಸಿನಿಮಾಗಳು ಸಮಾಜಮುಖಿಯಾಗಿರುತ್ತಿದ್ದವು. ಆಕ್ಷನ್, ಸೆಂಟಿಮೆಂಟ್, ಲವ್ ಸ್ಟೋರಿ ಎಲ್ಲಾ ಇದ್ದರೂ, ಅದು ಸಮಾಜಕ್ಕೆ ಮುಜುಗರ ತರುವಂತಿರಲಿಲ್ಲ. ಹೀಗಾಗಿ ರಾಜ್ಕುಮಾರ್ ಸಿನಿಮಾಗಳು ಅಂದರೆ, ಇಡೀ ಕುಟುಂಬವೇ ಥಿಯೇಟರ್ಗೆ ನುಗ್ಗುತ್ತಿತ್ತು. ಹಾಗಂತ ಜನರಷ್ಟೇ ಅಲ್ಲ. ಡಾ. ರಾಜ್ ನಟಿಸಿದ ಸುಮಾರು 35 ಸಿನಿಮಾಗಳನ್ನು 58 ಬಾರಿ 9ಕ್ಕೂ ಅಧಿಕ ಭಾಷೆಯಲ್ಲಿ ರಿಮೇಕ್ ಮಾಡಲಾಗಿದೆ. ಬೇರೆ ಯಾವುದೇ ನಟನ ಇಷ್ಟೊಂದು ಸಿನಿಮಾ ರಿಲೀಸ್ ಆದ ಉದಾಹರಣೆಗಳು ಇಲ್ಲ.
ಅಣ್ಣಾವ್ರ ಒಂದು ಸಿನಿಮಾ 7 ಭಾಷೆಯಲ್ಲಿ ರಿಲೀಸ್
ಅಣ್ಣಾವ್ರ ಸಿನಿಮಾಗಳು ಬಾಕ್ಸಾಫೀಸ್ನಷ್ಟೇ ಗೆದ್ದಿಲ್ಲ. ಪರಭಾಷೆಯ ಚಿತ್ರರಂಗದ ಮೇಲೂ ಪ್ರಭಾವ ಬೀರಿದೆ. 1986ರಲ್ಲಿ ಡಾ.ರಾಜ್ಕುಮಾರ್ ನಟಿಸಿದ 'ಅನುರಾಗ ಅರಳಿತು' ಸಿನಿಮಾ ಕರ್ನಾಟಕದಲ್ಲಿ ಬಿಡುಗಡೆಯಾಗಿ ಯಶಸ್ವಿಯಾಗಿತ್ತು. ಇದೇ ಸಿನಿಮಾ ಸುಮಾರು ಏಳು ಭಾಷೆಗಳಲ್ಲಿ ರಿಮೇಕ್ ಆಗಿತ್ತು.
ತೆಲುಗು ಸಿನಿಮಾದಲ್ಲಿ ನಟನೆ
ಡಾ.ರಾಜ್ಕುಮಾರ್ ಅಭಿಮಾನಿಗಳ ಆರಾಧ್ಯ ಧೈವ ಆಗಲು ಮತ್ತೊಂದು ಕಾರಣವಿದೆ. ಡಾ.ರಾಜ್ಕುಮಾರ್ ಸ್ಟಾರ್ ಆದ ಮೇಲೆ ಕನ್ನಡ ಚಿತ್ರರಂಗವನ್ನು ಬೇರೆ ಭಾಷೆಯಲ್ಲಿ ನಟಿಸುವ ಮನಸ್ಸು ಕೂಡ ಮಾಡಿಲ್ಲ. ಆದರೂ, ಆರಂಭದ ದಿನಗಳಲ್ಲಿ 'ಕಾಳಹಸ್ತಿ ಮಹತ್ಯಂ' ಎನ್ನುವ ಒಂದೇ ಒಂದು ತೆಲುಗು ಚಿತ್ರದಲ್ಲಿ ನಟಿಸಿದ್ದಾರೆ. ಇದೂ ಕೂಡ ಅಣ್ಣಾವ್ರ ಮೊದಲ ಸಿನಿಮಾ ಬೇಡಕ ಕಣ್ಣಪ್ಪ ಚಿತ್ರದ ರಿಮೇಕ್.
ಪ್ರಶಸ್ತಿಗಳನ್ನೂ ಮೊದಲಿಗರು
ಡಾ.ರಾಜ್ಕುಮಾರ್ ಅವರಿಗೆ ಹಲವು ಪ್ರಶಸ್ತಿಗಳನ್ನು ನೀಡಿ ಗೌರವಿಸಲಾಗಿದೆ. ರಾಜ್ಕುಮಾರ್ ಸಿನಿಮಾ ಸಾಧನೆಗಾಗಿ ಮೈಸೂರು ವಿಶ್ವವಿದ್ಯಾನಿಲಯ ಗೌರವ ಡಾಕ್ಟರೇಟ್ ನೀಡಿ ಗೌರವಿಸಿದೆ. ಕನ್ನಡದ ನಟನೊಬ್ಬ ಗೌರವ ಡಾಕ್ಟರೇಟ್ ಪಡೆದ ಮೊದಲ ನಟ ಎನಿಸಿಕೊಂಡಿದ್ದರು. ಹಾಗೇ ದಾದಾ ಸಾಹೇಬ್ ಫಾಲ್ಕೆ ಪ್ರಶಸ್ತಿ ಪಡೆದ ಮೊದಲ ಕನ್ನಡದ ನಟ ಎಂಬ ಹೆಗ್ಗಳಿಕೆ ಕೂಡ ರಾಜ್ಕುಮಾರ್ ಹೆಸರಿನಲ್ಲೇ ಇದೆ.