'ಕಾಮಿಡಿ ಕಿಲಾಡಿಗಳು' ಸೆಟ್ ನಲ್ಲಿ ಕಾಣಿಸಿಕೊಂಡ ಡಿ ಬಾಸ್ ದರ್ಶನ್

ಕಾಮಿಡಿ ಸೆಟ್ ಗೆ ದರ್ಶನ್ ದಿಢೀರ್ ಭೇಟಿ

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಭೇಟಿ ನೀಡಿದ್ದಾರೆ ಅಂತ ಸಂತಸ ಪಡಬೇಡಿ. ಯಾಕಂದ್ರೆ ದರ್ಶನ್ ಸೆಟ್ ನಲ್ಲಿ ಕಾಣಿಸಿಕೊಂಡಿದ್ದು ಅಷ್ಟೆ. ಕಾರ್ಯಕ್ರಮದಲ್ಲಿ ಭಾಗಿಯಾಗುತ್ತಿಲ್ಲ. ದರ್ಶನ್ ಕಾರ್ಯಕ್ರಮಕ್ಕೆ ಬರಲಿ ಎನ್ನುವುದು ಅಭಿಮಾನಿಗಳ ಆಸೆ. ಆದರೆ ಸೆಟ್ ಮಾತ್ರ ವಿಸಿಟ್ ಮಾಡಿದ್ದಾರೆ. ಅಂದ್ಹಾಗೆ ಕಾಮಿಡಿ ಕಿಲಾಡಿಗಳು-3 ಚಿತ್ರೀಕರಣ ನಡೆಯುವ ಸ್ಥಳದ ಸಮೀಪದಲ್ಲೆ ದರ್ಶನ್ ರಾಬರ್ಟ್ ಚಿತ್ರದ ಕೆಲಸ ಕೂಡ ನಡೆಯುತ್ತಿರಬಹುದು. ಹಾಗಾಗಿ ದಿಢೀರ್ ಭೇಟಿ ನೀಡಿದ್ದಾರೆ ಎಂದು ಹೇಳಲಾಗುತ್ತಿದೆ.

ಸಂತಸ ಹಂಚಿಕೊಂಡ ಜಗ್ಗೇಶ್

ಕಾಮಿಡಿ ಕಿಲಾಡಿಗಳು ಚಿತ್ರೀಕರಣ ನಡೆಯುತ್ತಿದ್ದ ಸಮಯದಲ್ಲಿ ಸೆಟ್ ಗೆ ದಿಢೀರ್ ಭೇಟಿ ನೀಡಿದ್ದಾರೆ. ಡಿ ಬಾಸ್ ಭೇಟಿಯಿಂದ ಚಿತ್ರೀಕರಣದಲ್ಲಿದ್ದ ನಟ ಜಗ್ಗೇಶ್ ಮತ್ತ ನಟಿ ರಕ್ಷಿತಾ ಹಾಗೂ ರಾಘವೇಂದ್ರ ಹುಣಸೂರು ಸಂತಸಪಟ್ಟಿದ್ದಲ್ಲದೆ ಅಚ್ಚರಿಯಾಗಿದ್ದಾರೆ. ಅಲ್ಲದೆ ಜಗ್ಗೇಶ್ ಸೆಟ್ ಗೆ ಭೇಟಿ ನೀಡಿದ ವಿಶೇಷ ಅತಿಥಿ ದರ್ಶನ್ ಜೊತೆ ಫೋಟೋ ಕ್ಲಿಕ್ಕಿಸಿಕೊಂಡು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ.

ಡಿ ಬಾಸ್ 'ರಾಬರ್ಟ್'ಗೆ ಸಾಥ್ ನೀಡಿದ ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ

ಟ್ವಿಟ್ಟರ್ ನಲ್ಲಿ ಜಗ್ಗೇಶ್ ಹೇಳಿದ್ದೇನು?

"ಜಿ ಕನ್ನಡ ಕಾಮಿಡಿಕಿಲಾಡಿಗಳು3 ಸೆಟ್ ಗೆ ಅನಿರೀಕ್ಷಿತವಾಗಿ ಬಂದ ಕಲಾಬಂಧು ದರ್ಶನ. ಬಹಳ ಜನ ದರ್ಶನ ಅಭಿಮಾನಿಗಳು ಜಾಲತಾಣದಲ್ಲಿ ಸಾರ್ ಕಾಮಿಡಿಕಿಲಾಡಿಗೆ ದರ್ಶನ ಕರೆಸಿ ಎನ್ನುತ್ತಿದ್ದರು. ನೋಡಿ ಬಂದೆ ಬಿಟ್ಟ ನಿಮ್ಮವ ನಿಮ್ಮ ಪ್ರೀತಿಗಾಗಿ. ಧನ್ಯವಾದಗಳು ಸಹೋದರ" ಎಂದು ಬರೆದುಕೊಂಡಿದ್ದಾರೆ.

ಯಾವಾಗ ಬರ್ತಾರೆ ದರ್ಶನ್?

ಸಾಕಷ್ಟು ಜನ ಅಭಿಮಾನಿಗಳು ದರ್ಶನ್ ಅವರನ್ನು ಕರೆಸಿ ಎಂದು ಮನವಿ ಮಾಡುತ್ತಿದ್ದರು. ಆದರೀಗ ದರ್ಶನ್ ಕಾಮಿಡಿ ಕಿಲಾಡಿ ಸೆಟ್ ನಲ್ಲಿ ಕಾಣಿಸಿಕೊಂಡಿದ್ದಾರೆ. ಸೆಟ್ ನಲ್ಲಿ ಕಾಣಿಸಿಕೊಂಡಿದಕ್ಕೆ ಇಷ್ಟು ಸಂತಸ ಪಡುವ ತಂಡ ಕಾರ್ಯಕ್ರಮದಲ್ಲಿ ಭಾಗಿಯಾದರೆ ಅವರ ಸಂತಸಕ್ಕೆ ಪಾರವೆ ಇರಲ್ಲ. ಮುಂದಿನ ದಿನಗಳಲ್ಲಿ ಕಾಮಿಡಿ ಕಿಲಾಡಿಗಳಲ್ಲಿ ಕಾಣಿಸಿಕೊಂಡರು ಅಚ್ಚರಿ ಇಲ್ಲ.