ಮುಖಪುಟ

ಸಿನಿ ಸಮಾಚಾರ

ಖ್ಯಾತ ನಿರ್ದೇಶಕ ದಿನೇಶ್ ಬಾಬು ಅವರ ಬಳಿ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡ್ತಿದ್ದ ಸುನಿ ಈಗ ಕನ್ನಡದ ಸ್ಟಾರ್ ಡೈರೆಕ್ಟರ್. ಹೊಸ ಹೊಸ ಕಥೆಗಳ ಮೂಲಕ ಕನ್ನಡ ಪ್ರೇಕ್ಷಕರನ್ನ ರಂಜಿಸುತ್ತಿದ್ದಾರೆ. ತನ್ನದೇ ಆದ ಸ್ಟೈಲ್ ಮೂಲಕ ಸ್ಯಾಂಡಲ್ ವುಡ್ ಇಂಡಸ್ಟ್ರಿಯಲ್ಲಿ ಟ್ರೆಂಡ್ ಹುಟ್ಟುಹಾಕಿದ್ದಾರೆ.

ಇಂತಹ ನಿರ್ದೇಶಕ ಸಿಂಪಲ್ ಸುನಿಗೆ ಮಾರ್ಚ್ 8 ತುಂಬಾ ವಿಶೇಷ ಮತ್ತು ಎರಡನೆ ಜನ್ಮ ನೀಡಿದೆ ಅಂದ್ರೆ ನಂಬಲೇಬೇಕು. ಹೌದು, ಮಾರ್ಚ್ 8 ರಂದು ಸುನಿ ಸಿನಿ ಬದುಕಿನಲ್ಲಿ ಮಹತ್ವದ ದಿನ. ಸಹಾಯಕ ನಿರ್ದೇಶಕರಾಗಿದ್ದ ಸುನಿ, ಸಿಂಪಲ್ ಸುನಿಯಾಗಿ ಸ್ವತಂತ್ರ ನಿರ್ದೇಶಕರಾದ ದಿನ.

'ಯಜಮಾನ' ನೋಡಿ ಸಿಂಪಲ್ ಸುನಿ ಬರೆದ ವಿಮರ್ಶೆ ಇದು

ಅರ್ಥಾಥ್, ಸುನಿ ನಿರ್ದೇಶನದ ಚೊಚ್ಚಲ ಸಿನಿಮಾ ಸಿಂಪಲ್ಲಾಗ್ ಒಂದು ಲವ್ ಸ್ಟೋರಿ ಬಿಡುಗಡೆಯಾದ ದಿನ. ಕಳೆದ ಆರು ವರ್ಷದ ಹಿಂದೆ (2013 ಮಾರ್ಚ್ 8) ರಂದು ಈ ಸಿನಿಮಾ ರಿಲೀಸ್ ಆಗಿತ್ತು.

ರಕ್ಷಿತ್ ಶೆಟ್ಟಿ, ಶ್ವೇತಾ ಶ್ರೀವಾಸ್ತವ್ ಅಭಿನಯಿಸಿದ್ದ ಈ ಚಿತ್ರ ಸ್ಯಾಂಡಲ್ ವುಡ್ ನಲ್ಲಿ ಹೊಸ ಸಂಚಲನ ಸೃಷ್ಟಿಸಿತ್ತು. ಡಬಲ್ ಮೀನಿಂಗ್ ಡೈಲಾಗ್ ಗಳ ಮೂಲಕ ಹೊಸ ಟ್ರೆಂಡ್ ಗೆ ಕಾರಣವಾಗಿತ್ತು. ಇಲ್ಲಿಂದ ನಂತರ ಇದೇ ಟ್ರೆಂಡ್ ಫಾಲೋ ಮಾಡಿ ಕೆಲವು ಸಿನಿಮಾಗಳು ಬಂದವು.

ನಿರ್ದೇಶಕ 'ಸಿಂಪಲ್' ಸುನಿ ಜನಪ್ರಿಯರಾದ್ಮೇಲೆ ಬದಲಾದರಂತೆ.!

ಮಾರ್ಚ್ 8/2013 ನನ್ನ 2ನೇ ಜನ್ಮವಾಗಿತ್ತು
ಈಡೀ ಕರುನಾಡು ಬಿಗಿದಪ್ಪಿಕೊಂಡಿತ್ತು..
ಇಂದಿಗೆ 6ನೇ ವರುಷದ ನೆನಪಿನ ರೂವಾರಿ
ಈ ಸಿಂಪಲ್ಲಾಗ್ ಒಂದ್ Love story...#rakshithshetty #hemanth @ShwethaSrivatsa @bjbharath@Manujosh @SachinBRavi@Abhishek2089M #sols #march8th2013 #6years pic.twitter.com/tzqPV6SF9j

— Su Ni (@SimpleSuni) March 8, 2019

ಕೇವಲ 30 ದಿಂದ 40 ಲಕ್ಷ ವೆಚ್ಚದಲ್ಲಿ ತಯಾರಾಗಿದ್ದ ಈ ಸಿನಿಮಾ ದೊಡ್ಡ ಮಟ್ಟದ ಗಳಿಕೆ ಕಂಡಿತ್ತು. ಈ ಚಿತ್ರದ ಬಳಿಕ ಬಹುಪರಾಕ್, ಸಿಂಪಲ್ ಆಗಿ ಇನ್ನೊಂದು ಲವ್ ಸ್ಟೋರಿ, ಆಪರೇಷನ್ ಅಲಮೇಲಮ್ಮ, ಚಮಕ್, ಬಜಾರ್ ಅಂತಹ ಸಿನಿಮಾ ಮಾಡಿದ್ದಾರೆ. ವಿಶೇಷ ಅಂದ್ರೆ ಈ ಎಲ್ಲ ಚಿತ್ರಗಳು ಸ್ವಮೇಕ್.

ಇತ್ತೀಚಿಗಷ್ಟೆ ಬಜಾರ್ ಚಿತ್ರದ ಮಾಡಿ ಯಶಸ್ಸು ಕಂಡಿದ್ದ ಸುನಿ ಈಗ ಶರಣ್ ಜೊತೆಯಲ್ಲಿ ಅವತಾರ್ ಪುರುಷ ಎಂಬ ಸಿನಿಮಾ ಮಾಡುತ್ತಿದ್ದಾರೆ. ಇದರ ಜೊತೆಗೆ ಜಾನ್ ಸೀನಾ ಮತ್ತು ದಿಗಂತ್ ಜೊತೆಯಲ್ಲೂ ಒಂದು ಸಿನಿಮಾ ಮಾಡುವುದಾಗಿ ಹೇಳಿದ್ದಾರೆ.