ಸುದೀಪ್ ಕಾಲ್ಗುಣದಿಂದ 'ರಾಜು ಕನ್ನಡ ಮೀಡಿಯಂ'ಗೆ ವಿದೇಶದಲ್ಲಿ ಹೆಚ್ಚಿದ ಬೇಡಿಕೆ.!

ಸುದೀಪ್ ಟೀಸರ್ ನಿಂದ ಹೆಚ್ಚಿದ ಬೇಡಿಕೆ

ಸುದೀಪ್ ಅವರ ಹುಟ್ಟುಹಬ್ಬದ ಪ್ರಯುಕ್ತ ಬಿಡುಗಡೆಯಾಗಿದ್ದ ಟೀಸರ್ ನಿಂದ 'ರಾಜು ಕನ್ನಡ ಮೀಡಿಯಂ' ಚಿತ್ರದ ಬೇಡಿಕೆ ಮತ್ತಷ್ಟು ಹೆಚ್ಚಿದೆ. ವಿದೇಶಗಳಿಂದ ಈ ಸಿನಿಮಾ ಕೊಂಡುಕೊಳ್ಳಲು ವಿತರಕರು ಮುಂದಾಗುತ್ತಿದ್ದಾರೆ.

ಕೆನಡಾದ ವಿತರಣೆ ಹಕ್ಕಿಗೆ ಬಾರಿ ಡಿಮ್ಯಾಂಡ್

'ರಾಜು ಕನ್ನಡ ಮೀಡಿಯಂ' ಚಿತ್ರದ ವಿತರಣೆ ಹಕ್ಕು ಪಡೆಯಲು ಕೆನಡಾ ದೇಶದಿಂದ ಬೇಡಿಕೆ ಬಂದಿದೆಯಂತೆ. ಕನ್ನಡ ಮೀಡಿಯಂನಲ್ಲಿ ಓದಿರುವ ಅನೇಕ ಕನ್ನಡಿಗರು ದೇಶ, ವಿದೇಶದಲ್ಲಿ ನೆಲೆಸಿದ್ದಾರೆ. ಬಹುತೇಕ ಟೆಕ್ಕಿಗಳು ಈ ಚಿತ್ರ ವಿದೇಶದಲ್ಲಿ ಬಿಡುಗಡೆಯಾಗುವುದನ್ನು ಎದುರು ನೋಡುತ್ತಿದ್ದಾರೆ ಎಂದು ನಿರ್ಮಾಪಕರು ತಿಳಿಸಿದ್ದಾರೆ.

ದಸರಾ ಹಬ್ಬಕ್ಕೆ ತೆರೆ ಕಾಣಬಹುದು!

ಎಲ್ಲ ಅಂದುಕೊಂಡಂತೆ ಆದ್ರೆ, ದಸರಾ ವೇಳೆಗೆ ಬಿಡುಗಡೆಯಾಗುವ ಸಾಧ್ಯತೆಯಿದೆ. 'ಫಸ್ಟ್ Rank ರಾಜು' ಖ್ಯಾತಿಯ ಗುರುನಂದನ್ ಈ ಚತ್ರದಲ್ಲಿ ನಾಯಕ. 'ರಂಗಿತರಂಗ' ಖ್ಯಾತಿಯ ಆವಂತಿಕ ಶೆಟ್ಟಿ ನಾಯಕಿಯಾಗಿದ್ದು, ಆಶಿಕಾ ರಂಗನಾಥ್ ಹಾಗೂ ಆಂಜೇಲಿನ ಕೂಡ ಅಭಿನಯಿಸಿದ್ದಾರೆ.

'ಆಗರ್ಭ ಶ್ರೀಮಂತ'ನ ಪಾತ್ರದಲ್ಲಿ ಸುದೀಪ್

'ರಾಜು ಕನ್ನಡ ಮೀಡಿಯಂ' ಚಿತ್ರದಲ್ಲಿ ಸುದೀಪ್ ಅವರು ಆಗರ್ಭ ಶ್ರೀಮಂತನ ಪಾತ್ರವನ್ನ ನಿರ್ವಹಿಸುತ್ತಿದ್ದಾರೆ. ಈಗಾಗಲೇ ಪೋಸ್ಟರ್ ಮತ್ತು ಟೀಸರ್ ಮೂಲಕ ದೊಡ್ಡ ನಿರೀಕ್ಷೆ ಹೆಚ್ಚಿಸಿದೆ.