ಮದುವೆ ಬಳಿಕ ಈಗ ನೆಕ್ಲೆಸ್ ಕಿತ್ತಾಟ: ಪವಿತ್ರಾ ಲೋಕೇಶ್, ರಮ್ಯಾ ರಘುಪತಿ ಆರೋಪ-ಪ್ರತ್ಯಾರೋಪ!

ಡೈಮಂಡ್ ನೆಕ್ಲೆಸ್ ಪವಿತ್ರಾಗೆ ಸಿಕ್ಕಿದ್ದೇಗೆ?

ರಮ್ಯಾ ರಘುಪತಿ ನಟಿ ಪವಿತ್ರಾ ಲೋಕೇಶ್ ಹಾಗೂ ನರೇಶ್ ವಿರುದ್ಧ ಆರೋಪ ಮಾಡುವುದನ್ನು ಮುಂದುವರೆಸಿದ್ದಾರೆ. ಸುದ್ದಿಗೋಷ್ಟಿಯಲ್ಲಿ ನರೇಶ್ ಮೂರನೇ ಪತ್ನಿ ರಮ್ಯಾ ರಘುಪತಿ ಅವರ ಅತ್ತೆ ಧರಿಸುತ್ತಿದ್ದ ಡೈಮಂಡ್ ನಕ್ಲೆಸ್‌ ಬಗ್ಗೆ ಆರೋಪ ಮಾಡಿದ್ದಾರೆ. "ನಮ್ಮ ಅತ್ತೆ ಕೆಲವು ಆಭರಣಗಳನ್ನು ಧರಿಸುತ್ತಿದ್ದರು. ಅದನ್ನು ಅವರು ಯಾರಿಗೂ ಕೊಟ್ಟಿರಲಿಲ್ಲ. ಕೊಡುತ್ತಲೂ ಇರಲಿಲ್ಲ. ನಮ್ಮ ಅತ್ತೆ ಆ ಡೈಮಂಡ್ ನೆಕ್ಲೆಸ್ ಅನ್ನೂ ಯಾರಿಗೂ ಕೊಟ್ಟಿರಲಿಲ್ಲ. ಇದು ಪವಿತ್ರಾ ಲೋಕೇಶ್‌ ಅವರ ಕತ್ತಿನಲ್ಲಿ ಕಂಡಿದೆ. ಅದು ಹೇಗೆ ಅವರ ಕೈ ಸೇರಿತು ?" ಎಂದು ಆರೋಪ ಮಾಡಿದ್ದರು.

ಬರ್ತ್‌ಡೇಗೆ ಅತ್ತೆ ಧರಿಸುತ್ತಿದ್ದರು ಡೈಮಂಡ್ ನೆಕ್ಲೆಸ್

"ನಮ್ಮ ಅತ್ತೆ ವಿಜಯ ನಿರ್ಮಲಾ ಡೈಮಂಡ್ ನೆಕ್ಲೆಸ್ ಅನ್ನು ಅವರ ಹುಟ್ಟುಹಬ್ಬಕ್ಕೆ ಧರಿಸುತ್ತಿದ್ದರು. ನಾನು ಡೈಮಂಡ್ ನೆಕ್ಲೆಸ್ ಅನ್ನು ನೋಡಿದ್ದೇನೆ. ಪವಿತ್ರಾ ಲೋಕೇಶ್ ಧರಿಸಿದ ಆ ನೆಕ್ಲೆಸ್ ನಮ್ಮ ಅತ್ತೆ ಯವರದ್ದೇ ಎಂದು ಖಡಾಖಂಡಿತವಾಗಿ ಹೇಳಿದ್ದರು. ನನ್ನ ಅತ್ತೆ ಪ್ರತಿ ಹುಟ್ಟುಹಬ್ಬಕ್ಕೆ ಹೊಸ ಆಭರಣ ಖರೀದಿಸುತ್ತಿದ್ದರು. ಆಗ ಈ ಡೈಮಂಡ್‌ ನೆಕ್ಲೆಸ್ ಅನ್ನೂ ಖರೀದಿಸಿದ್ದರು." ರಮ್ಯಾ ರಘುಪತಿ ಎಂದು ಸುದ್ದಿಗೋಷ್ಟಿಯಲ್ಲಿ ಹೇಳಿದ್ದರು.

ಸುಂಟರಗಾಳಿ-ಬಿರುಗಾಳಿ ಎಲ್ಲಾ ಬರುತ್ತೆ: ಅವರ ನಿರ್ಧಾರಕ್ಕೆ ಬದ್ಧ ಎಂದ ಸುಚೇಂದ್ರ ಪ್ರಸಾದ್

ಪವಿತ್ರಾಗೆ ಆ ನೆಕ್ಲೆಸ್ ಕೊಟ್ಟಿದ್ದು ನರೇಶ್

"ನಮ್ಮ ಅತ್ತೆ ವಿಜಯ ನಿರ್ಮಲಾ 2014ರಲ್ಲಿ ಈ ಡೈಮಂಡ್ ನೆಕ್ಲೆಸ್ ಅನ್ನು ಖರೀದಿ ಮಾಡಿದ್ದರು. ಆ ನೆಕ್ಲೆಸ್ ಅನ್ನು ಅವರು ಧರಿಸಿದ್ದನ್ನು ನಾನೂ ನೋಡಿದ್ದೇನೆ. ಈ ನೆಕ್ಲೆಸ್ ಅನ್ನು ನರೇಶ್ ಅವರೇ ಪವಿತ್ರಾ ಲೋಕೇಶ್‌ ಅವರಿಗೆ ಕೊಟ್ಟಿದ್ದಾರೆ." ಎಂದೂ ಕೂಡ ರಮ್ಯಾ ಆರೋಪ ಮಾಡಿದ್ದರು. ಇದಕ್ಕೆ ಪವಿತ್ರಾ ಲೋಕೇಶ್ ಕೂಡ ತಿರುಗೇಟು ನೀಡಿದ್ದಾರೆ.

ವಿವಾದಾತ್ಮಕ ತೆಲುಗು ನಟ ನರೇಶ್ 3ನೇ ಪತ್ನಿ ರಮ್ಯಾ ಯಾರು?

Recommended Video

Darshan Thoogudeepa | ಮರಿ ಟೈಗರ್ ಜೊತೆ ಡಿಬಾಸ್ ಹೇಳಿದ್ದೇನು? | Vinod Prabhakar *Sandalwood

ರಮ್ಯಾಗೆ ತಿರುಗೇಟು ಕೊಟ್ಟ ಪವಿತ್ರಾ ಲೋಕೇಶ್

ರಮ್ಯಾ ರಘುಪತಿ ಆರೋಪಗಳಿಗೆ ಪವಿತ್ರಾ ಲೋಕೇಶ್ ತಿರುಗೇಟು ನೀಡಿದ್ದಾರೆ. " ಒಂದೇ ತರಹದ ನೆಕ್ಲೆಸ್ ಇನ್ನೊಬ್ಬರ ಬಳಿ ಇರಲು ಸಾಧ್ಯವಿಲ್ಲವೇ? ನನಗೂ ಡೈಮಂಡ್ ನೆಕ್ಲೆಸ್ ಖರೀದಿ ಮಾಡುವ ಶಕ್ತಿಯಿದೆ. ರಮ್ಯಾ ರಘುಪತಿ ಮಾಡುವ ಆರೋಪಗಳಿಗೆ ನಾನು ಉತ್ತರಿಸುವುದಿಲ್ಲ." ಎಂದು ಮಾಧ್ಯಮಗಳಿಗೆ ಪ್ರತಿಕ್ರಿಯೆ ನೀಡಿದ್ದಾರೆ. ಹೀಗೆ ದಿನದಿಂದ ದಿನಕ್ಕೆ ಒಂದಲ್ಲಾ ಒಂದು ಆರೋಪ ಪ್ರತ್ಯಾರೋಪಗಳನ್ನು ರಮ್ಯಾ ರಘುಪತಿ ಮಾಡುತ್ತಿದ್ದಾರೆ. ಆದರೆ, ನರೇಶ್ ಹಾಗೂ ಪವಿತ್ರಾ ಲೋಕೇಶ್ ಇಬ್ಬರೂ ಅವರ ಆರೋಪಗಳನ್ನು ತಳ್ಳಿ ಹಾಕುತ್ತಲೇ ಇದ್ದಾರೆ.